Ölkəmiz “Rəqəmli İqtisadiyyat” nazirlər görüşündə təmsil olunub

10-10-2017 / 15:30

Avropa Komissiyası tərəfindən Estoniyanın Tallin şəhərində  “Rəqəmli İqtisadiyyat” üzrə  ikinci nazirlər toplantısı keçirilib. Toplantı Avropa İttifaqının Şərq Tərəfdaşlığı proqramı çərçivəsində baş tutub.

Tədbirdə Avropa Komissiyasının vahid rəqəmli bazar üzrə vitse-prezidenti Andrus Ansip, Avropa İttifaqı və Şərq Tərəfdaşlığı ölkələrinin müvafiq nazir və digər rəsmi şəxsləri iştirak edib.

Nəqliyyat, Rabitə və Yüksək Texnologiyalar Nazirliyindən Xeberler.az-a verilən məlumata görə, Azərbaycanı bu tədbirdə  Rabitə və yüksək texnologiyalar nazirinin müavini Elmir  Vəlizadənin rəhbərlik etdiyi nümayəndə heyəti təmsil edib.

Nazir müavini  ölkəmizdə rəqəmli iqtisadiyyatın formalaşdırılması, Azərbaycanın  əlaqələndiricisi olduğu “ICT innovation & startup ecosystems” istiqaməti üzrə görülmüş işlər barədə məlumat verib.

İkinci nazirlər toplantısının sonunda rəqəmli iqtisadiyyat üzrə Bəyannamə oxunub. 

Bəyannamədə 2020-ci ilə qədər Şərq Tərəfdaşlığı ölkələri ilə birlikdə rəqəmli iqtisadiyyatın  inkişafı istiqamətində görüləcək əsas işlər vurğulanıb.  

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə