BP-Azerbaijan və Azərbaycandakı layihələrdəki tərəfdaşları Təhsil Nazirliyi ilə birlikdə İT sahəsində təhsil səviyyəsinin təkmilləşdirilməsinə dəstək olan bir sıra layihələr hazırlayır.
Xeberler.az-ın məlumatına görə, bu barədə BP-nin Azərbaycan, Gürcüstan və Türkiyə üzrə regional prezidenti Qari Cons bildirib.
Onun sözlərinə görə, 2018-ci ilin yanvar ayında fəaliyyətə başlayacaq bu cür layihələrdən biri də Bakı və Sumqayıt şəhərlərində seçilmiş 50 orta məktəbdə yuxarı siniflər üçün keçirilən informatika fənninin təkmilləşdirilməsinə yönəlib:
"Demək olar ki, 1 200 nəfər şagird, yuxarı siniflərə dərs deyən 100 nəfər orta məktəb müəllimi və 15 nəfər universitet müəllimi bu proqramdan faydalanacaq. İnanırıq ki, bu təşəbbüs nəticə etibarilə ADA Universiteti də daxil olmaqla ölkədəki İT məktəblərində təhsil almaq istəyənlərin bilik səviyyəsini artıracaq".
Q.Cons qeyd edib ki, perspektivdə ADA Universitetini Big Data-nın tədqiqi və təhlili üzrə regional mərkəzə çevrilməsi nəzərdə tutulub:
"Həmçinin, hökumət, biznes icması və elmi dairələr arasında üçtərəfli əməkdaşlıq yaratmaq, "big data" texnologiyalarının Azərbaycanda daha iri miqyasda istifadə olunmasını təmin etmək, onu təhsildə, nəqliyyatda, maliyyə sektorunda, kənd təsərüfatı sahəsində, energetika sahəsində istifadə etmək qarşıdakı hədəflərdəndir". (Report)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri