Ötən il iOS və Android-dən nə qədər proqram yüklənib?

17-01-2017 / 11:08

App Store və Google Play əlavələr mağazalarının 2016-cı ilin dördüncü rübünün yekunlarına görə xalis mənfəəti 8,7 milyard dollara çatıb ki, bu da illik  67 faizlik artıma bərabərdir.

Xeberler.az RYTN-in elektron xəbər xidmtinə istinadən məlumat verir ki, bu barədə Sensor Tower tədqiqat şirkətinin hesabatında deyilir.

Analitiklər Apple və Google şirkətləri tərəfindən əlavələr mağazaları hesabına əldə edilən mədaxil üzrə hesabat dərc ediblər. Apple şirkətində illik gəlir 5,4 milyard olmaqla artım 60 faiz təşkil edib, Google-da isə mədaxil 3,3 milyard dollar, artım 82 faiz olub.

Hesabata görə, ötən ilin sonuncu rübündə 19,2 milyard əlavə yüklənib (artım 17 faiz), il ərzində ümumilikdə istifadəçilər 80 milyarddan çox proqram quraşdırıblar.
2016-cı ildə ən çox yüklənən əlavə rəsmi Facebook proqramı olub. İkinci yerdə Facebook Messenger, üçüncüdə WhatsApp qərarlaşıb.

Ən gəlirli əlavələrə gəldikdə, birinci yeri Spotify servisinin proqram təminatı tutub. İkinci pillədə Line, üçüncüdə Netflix yer alıb. Həm bu, həm də digər reytinqə oyun proqramları daxil edilməyib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə