Pirallahı YT Parkın inşasına başlanılıb - Reportaj

07-07-2015 / 15:47

Xəbər verdiyimiz kimi,  Prezident İlham Əliyevin müvafiq fərmanı ilə Yüksək Texnologiyalar Parkı üçün Pirallahı adasında 50 hektar ərazi ayrılıb.

Xeberler.az olaraq ərazidə tikinti işləri ilə maraqlanmaq üçün Pirallahı adasında YT Park üçün ayrılan ərazidə olduq.

Əraziyə daxil olduqda biz orada tikinti işlərin aparılmasının, həmçinin ərazinin tam olaraq hasara alınaraq xüsusi posterlərin  quraşdırılmasının şahidi olduq. İlkin olaraq  burada inşa olunan   təsərrüfat idarəçilik binası ilə maraqlandıq. 

Öyrənirik ki, yaxın vaxtlarda digər  obyektlərin, o cümlədən tədris mərkəzinin, ofis binalarının və İnkubator idarəetmə ofisinin də  təməlqoyma mərasimi  planlaşdırılır.

Qeyd edək ki, bu günə qədər ərazi tikintiyə uyğun  formada abadlaşdırılıb. Ərazidən keçən böyük tutumlu elektrik xətti bu zonadan çıxarılıb.  Elektrik xətlərinin yerin  altından kabel  xətti ilə keçməsi  təmin olunub. 

Hazırda nəqliyyat vasitəsi üçün istifadə olunan yol gələcəkdə dəniz kənarına keçiriləcək və bu magistral xətt tamamilə Yüksək  Texnologiyalar Parkına məxsus olacaq.

Bu işlərin görülməsi üçün memarlıq dizayn şirkəti və texniki konsultant şirkətlə birgə işlər davam etdirilir.

Yüksək Texnologiyalar Parkının müasir standartlar səviyyəsində qurulmasına  uzun vaxt və böyük maliyyə vəsaitinin tələb olunması üçün  tikinti işlərinin dörd faza üzrə aparılması  nəzərdə tutulub.

Xatırladaq ki, Pirallahı YT Parkın  tam tikilməsi 5 ilə müəyyən olunub. Bu illər ərzində mərhələ-mərhələ  YT Park bütün müasir  texnoloji standartlara uyğun  formada inşa ediləcək.

Pirallahı YT Parkın tikinti işləri və gələcək istiqamətləri ilə bağlı geniş məlumat növbəti məqaləmizdə olacaq.

 

Məltəm Talıbzadə 

 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə