Poçt göndərişlərini Azərpoçt-un saytı ilə izləyin

02-10-2015 / 13:12

Poçt sahəsində tətbiq edilən texnologiyalar sayəsində  Azərbaycana gələn və ölkəmizdən gödərilən  bağlama, məktub, pul göndərişləri asanlaşdırılıb və sayı artıb.

Xeberler.az olaraq maraqlandıq ki, ən çox hansı ölkələrdən Azərbaycana bağlamalar göndərilir və ən çox hansı ölkələr Azərbaycandan bağlamalar əldə edir?

Rabitə və Yüksək Texnologiyalar Nazirliyinin (RYTN) poçt sektorunun müdiri Novruz Məmmədovun Xeberler.az-a  verdiyi məlumata görə,  ölkəmizə Almaniya, Rusiya, Amerika Birləşmiş Ştatları (ABŞ), İngiltərə, Birləşmiş Ərəb Əmirliyindən (BƏƏ) il ərzində daha çox bağlama qəbul olunur.

RYTN-dən verilən məlumata görə, 2015 ci ilin 1-ci yarım ili statistikasında Azərbaycana ən çox bağlama göndərən ölkələr siyahısında Almaniya, Rusiya, Amerika Birləşmiş Ştatları (ABŞ) ilk üçlükdədir.

Bu ilin birinci yarım ili üçün olan statistikaya görə, Almaniyadan ölkəmizə 5769, Rusiyadan 3418, Amerika Birləşmiş Ştatlarından isə 2913 bağlama qəbul olunub. Ukrayna 2523, Türkiyə 1763, Avstriya 931, Çin 663, Niderland 609, İsveçdən isə 439 bağlama və məktub ölkəmizə daxil olub. Ümumilikdə, 2015-ci ilin 1-ci yarısında Azərbaycana 19698 göndəriş olub.

Poçt rəsmisi bildirib ki, Azərpoçt Ermənistan istisna olmaqla dünyanın 192 ölkəsi ilə poçt sahəsində əməkdaşlıq edir:

“ Bu o deməkdir ki, bu siyahıda olan ölkələrə həm Azərbaycandan məktub və bağlamalar gedə bilər, o cümlədən həmin ölkələrdən də maneəsiz olaraq mərkəzi poçta bütün növ məktub və bağlamalar qəbul oluna bilər”.

Onun sözlərinə görə, yeni texnologiyalar poçt sisteminə tətbiq edildikdən sonra əhaliyə göstərilən xidmətin keyfiyyəti və çevikliyi artdı:

“ Bu gün isə İKT-nin meydana gəlməsi bir sıra xidmət növlərini daha aktiv edib. Poçt vasitəsilə xarici ölkələrə göndərilən istənilən bağlamanın ünvanına hansı formada çatdırıldığını nəzarətdə saxlamaq imkanı yaradılıb. Məsələn, vətəndaş Rusiyanın hansısa şəhərinə, yaxud Yaxın və Orta Şərq ölkələrindən birinə bağlama göndərib. Göndəriş qəbul edildikdə göndəriciyə kompüterden çıxarılmış qəbzin üzərinə ştrix kod yapışdırılıb təqvim ştempeli vurularaq təqdim edilir. Vətəndaş poçt vasitəsilə göndərdiyi bağlama və məktubları Azərpoçt saytında yaradılan poçt göndərişlərinin izlənməsi bölməsindən göndərişin harada olduğunu, hansı növ nəqliyyat vasitəsilə daşındığını, nə zaman sahibinə çatdırılacağını öyrənə bilir. Qeydiyyatda olan bütün poçt göndərişləri haqda istənilən informasiyanı saytdan almaq mümkündür”.

Novruz Məmmədov onu da qeyd edib ki, bəzi hallarda poçt göndərişlərinin izlənməsi mümkün olmur:

“İKT-nin inkişaf etmədiyi bir sıra ölkələrdə (Tacikistan, Afrika ölkələri) göndərişlərin izlənməsi sistemi olmadığı üçün vətəndaşlarımız bu xidmətdən yararlana bilmirlər”.

Sevinc Çəltikova 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə