Proqram mühəndisliyinin nəzəri əsasları araşdırılır

09-02-2016 / 16:59

AMEA İnformasiya Texnologiyaları İnstitutunda biometrik texnologiyalar və proqram mühəndisliyinin müxtəlif problemləri üzrə elmi-tədqiqatlar davam etdirilir.

AMEA-dan Xeberler.az-a verilən məlumata görə, bu haqda fizika-riyaziyyat üzrə fəlsəfə doktoru, dosent Tofiq Kazımov rəhbərlik etdiyi şöbənin 2016-cı il üçün fəaliyyət planı ilə bağlı çıxışı zamanı bildirib.

Şöbədə informasiya texnologiyaları və informasiya cəmiyyətinin formalaşmasının elmi-nəzəri problemlərinin araşdırılması və effektiv metodların işlənməsi üzrə aktual mövzularda aparılacaq elmi-tədqiqat işlərindən söz açıb.

T.Kazımov cari ildə insanın irqi və etnik mənsubiyyətinin müəyyən olunması üçün metod və alqoritmlərin işlənilməsinin nəzərdə tutulduğunu bildirib, biometrik şəbəkələrin yaradılması prinsiplərinin tədqiqi və insanın kompüter vasitəsilə tanınmasında onun rolu ilə əlaqədar aparılacaq araşdırmalar barədə məlumat verib. O qeyd edib ki, insanın əl damar izləri əsasında tanınması üçün metod və alqoritmlərin işlənilməsi, insanın ovuc naxışları əsasında irqi və etnik mənsubiyyətinin müəyyən edilməsi üçün elmi tədqiqatların aparılması da cari ildə görüləcək işlər sırasındadır.

T.Kazımov  proqram mühəndisliyinin nəzəri əsasları üzrə proqram təminatının etibarlılığının yüksəldilməsi problemlərinə toxunan məruzəçi bu məqsədlə modelin işləniləcəyini bildirib.

Alim şöbənin elmi-innovasiya fəaliyyətindən bəhs edərək bu istiqamətdə şöbə əməkdaşlarının elmi əsərlərinin Vikipediyaya daxil edilməsinin nəzərdə tutulduğunu diqqətə çatdırıb.

Sonra AMEA-nın akademik-katibi, AMEA İnformasiya Texnologiyaları İnstitutunun direktoru, akademik Rasim Əliquliyev çıxış edərək şöbənin plan layihəsi ilə bağlı təklif və tövsiyələrini səsləndirib. Biometrik texnologiyalar və proqram mühəndisliyi kimi aktual sahələrin müxtəlif problemlərinin tədqiqinin vacib məsələlərdən olduğunu söyləyən R.Əliquliyev bu istiqamətdə araşdırmaların davam etdirilməsinin zəruriliyini qeyd edib.

 Günel


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə