Qurumların İKT təminatına ayrılan vəsait səmərəli istifadə olunur?

22-05-2018 / 14:30

Son vaxtlar dövlət qurumlarının İKT təminatı , dövlət informasiya sistemləri və proqram təminatları üçün  ayrılan vəsait gündəmə gəlib.

Görəsən, bu sahəyə ayrılan vəsaitlər səmərəli istifadə edilirmi?

Azərbaycan İnternet Forumunun prezidenti, ekspert Osman Gündüz məsələni Xeberler.az-a şərh edib.

Onun sözlərinə görə, devalvasiyadan sonra bu sahədə dövlət sifarişləri bir müddət azalsa, artıq məsələyə daha çox diqqət ayrılır:

"Əsasən dövlət sifarişləri üzərində “oturan” İT şirkətlər də bundan ciddi zərər çəkdi, nəticədə xeyli İT kadrlar ixtisara düşmüş və onların da bir çoxu normal iş üçün xaricə üz tutub. Ancaq son dövrlərdə Mənzil İnşaat Dövlət Agentliyi (MİDA) ilə bağlı məsələdə məlum oldu ki, dövlət hazırda İT təminat üçün lazım olandan da çox vəsait ayırır”.

Osman Gündüz deyib ki, aparılan qısa təhlillər də göstərir ki, hazırda İT şirkətlərin dövlət sifarişlərindən şikayətlənmək üçün heç bir əsasları yoxdur:

“Bununla belə elə İKT layihələr var ki vəsaitlər ayrılıb, amma faktiki layihə ortada yoxdur və ya işlək deyil. İT layihələrin dəyərləndirilməsi, ekspertizası,vacibliyi və prioritetliyinin qiymətləndirilmısində, standartlara cavab verməsi sahəsində ciddi problemlər var. Rəqəmsal hökumətə keçidlə bağlı bir neçə ay bundan öncə qəbul edilən Prezident fərmanında bu məsələ də öz əksini tapıb”.

O hesab edir ki, bu sahədə dövlət sifarişləri ilə bağlı ciddi koordinasiya olmalıdır:

“Təkrarçılığın qarşısı alınmalı, normal ekspertiza mexanizmləri hazırlanmalı və standartlara əməl olunmalıdır. Düşünürəm ki, ayrılan vəsaitlərdən effektiv və səmərəli istifadə olunsaydı bu sahədə xeyli irəli getmək , ciddi uğurlar qazanmaq olardı”.

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə