Rəqəmsal bankçılıq üzrə xarici ekspertlər Bakıya gəlir

08-11-2017 / 11:42

2018-ci ilin aprel ayında Bakıda MDB və regional bankların iştirakı ilə "Rəqəmsal bankçılıq və təhlükəsizlik" adlı konfrans keçiriləcək.

Xeberler.az bildirir ki, konfransda Azərbaycanın bank sistemində bu istiqamətdə həyata keçirilmiş tədbirlər və cari vəziyyət yerli bank və maliyyə qurumlarının rəhbərləri tərəfindən geniş müzakirə olunacaq.

Konfransda rəqəmsal bankçılıq, ona keçid və gələcək imkanları haqqında Denizbank(Sberbank), İBM, TEB-BNP Paribas (Türkiyə Ekonomi Bankası), UBİQ innovations, KüveytTürk və başqa bankların məsul şəxslərinin çıxışları olacaq, kibertəhlükəsizlik, internet və mobil bankçılıq təhlükəsizliyi, ATM təhlükəsizliyi sahəsində müasir tədbirləri barədə ORACLE maliyyə xidmətləri, Microsoft, Paypal, İntertech (Sberbank), KOD-A, Fit Solutions, Kasperski laboratoriyaları və s. şirkətlərdən olan spikerlərin çıxışları dinləniləcək.

Konfransda Azərbaycan bank və maliyyə qurumlarının rəhbərləri ilə yanaşı, Gürcüstan, Rusiya, Qazaxıstan və Qırğızıstan mərkəzi bankları nümayəndələrinin, MDB və Avropa ölkələri banklarının rəhbər heyətinin iştirakı gözlənilir.

Tədbir çərçivəsində maliyyə texnoloji avadanlıqların, proqram təminatlarının, bank avtomatlaşdırma sistemlərinin nümayiş sərgisi olacaq.

Müasir ödəmə və identifikasiya vasitələri, biometrik ATM ilə yanaşı, Unionpay, Alibaba, VİSA, Mastercard kimi maliyyə xidmətləri şirkətlərinin yeni innovativ təqdimatları gözlənilir.

Tədbir Türkiyənin bank innovasiyaları üzrə lideri Denizbank (Sberbank), VİSA, Intertech (Sberbank) və dünyanın nüfuzlu kibertəhlükəsizlik və antivirus şirkətlərindən biri hesab olunan Kasperski Laboratoriyası şirkətlərinin dəstəyi və FA International Trade Events (www.futureadvantage.events) şirkətinin təşkilatçılığı ilə keçirilir.

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə