RİTN-də İnformasiya Texnologiyaları Universitetinə qəbul olunmuş tələbələrlə görüş keçirilib

30-08-2013 / 15:01
Rabitə və İnformasiya Texnologiyaları Nazirliyində  (RİTN) İnformasiya Texnologiyaları Universitetinə (İTU)  qəbul olunmuş tələbələr və onların valideynləri ilə görüş keçirilib.
 
Görüşdə çıxış edən rabitə və informasiya texnologiyaları naziri Əli Abbasov  son 10 ildə Azərbaycan Respublikası Prezidenti İlham Əliyevin rəhbərliyi ilə ölkəmizdə  aparılan uğurlu islahatlar nəticəsində davamlı və  dayanıqlı iqtisadi inkişafa  nail olunduğunu qeyd edib.
 
Nazir ölkə başçısı tərəfindən İKT sektorunun inkişafına xüsusi diqqət göstərildiyini nəzərə çatdıraraq, "2013-cü ilin Azərbaycan Respublikasında "İnformasiya-kommunikasiya texnologiyaları ili" elan edilməsini,  sahənin gələcək inkişafını, informasiya cəmiyyəti quruculuğu istiqaməti üzrə yüksək hazırlığa malik kadr potensialının formalaşdırılmasını təmin etmək məqsədilə prezidentin 1 fevral 2013-cü il tarixli sərəncamı ilə İnformasiya Texnologiyaları Universitetinin (İTU) yaradılmasının bu diqqətin təzahürü olduğunu vurğulayıb.
 
2013 – 2014-cü tədris ilində "İnformasiya təhlükəsizliyi", "Kompüter elmləri", "Kompüter mühəndisliyi", "İnformasiya texnologiyaları və sistemləri mühəndisliyi" kimi ixtisaslar üzrə İTU-ya  tələbə qəbulu üçün 60 plan yerinin ayrıldığını da deyən nazir İKT sahəsi üzrə ixtisaslaşmış kadrlara tələbatın "Azərbaycan 2020: gələcəyə baxış" İnkişaf Konsepsiyasından irəli gəldiyini qeyd edib. "Bu sənədə uyğun olaraq, ölkəmizdə gələcək iqtisadi hədəflər iqtisadiyyatın strukturunun  təkmilləşdirilməsi, qeyri-neft sektorunun inkişaf etdirilməsi üzərində qurulub".
 
 Qarşıdakı illər ərzində elmi potensialın və innovasiya fəaliyyətinin dəstəklənəcəyini, innovativ inkişafın təmin edilməsində İT sahəsi üzrə ixtisaslı kadr hazırlığının daim diqqətdə olacağını bildirən nazir, eyni zamanda RİTN tərəfindən də İTU tələbələrinin daim qayğı və diqqətlə əhatə ediləcəyini, universitetin məzunlarının gələcəkdə uyğun ixtisaslar üzrə işlə təminatının həyata keçiriləcəyini də qeyd edib.
 
Tələbələrin çoxsaylı suallarını  cavablandıran nazir valideynlərin istək və arzularını da dinləyib. (ictnews.az)

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə