Satış həcminin 50 faizi İnternetlə həyata keçiriləcək

03-08-2015 / 12:08

Forrester Research analitik şirkətinin tədqiqatına görə, 2020-ci ilin sonunadək Avropada pərakəndə satışın 53 faizi onlayn həyata keçiriləcək.

Xeberler.az RYTN-nin rəsmi saytına istinadən bildirir ki, 2020-ci ilədək Avropada pərakəndə satışın ümumi həcmi 704 milyard avroya çatacaq ki, bu da 2015-ci illə müqayisədə 247 milyard avro çoxdur.

Pərakəndə satış onlayn satışla birlikdə nəzərə alınsa, bu həcmin 947 milyard avroyadək artacağı gözlənilir ki, bu da Avropada pərakəndə satışın 53 faizi deməkdir. Onlayn satışın artması Cənubi Avropa ölkələrindən daha çox Şimali Avropada hiss olunacaq. Bu halda Böyük Britaniya İnternet vasitəsilə həyata keçirilən satışlarda ən böyük paya malik olacaq.

Tədqiqatda Avropanın yeddi ölkəsindən 13 mindən çox alıcı iştirak edib. Məlum olub ki, mobil qurğuların onlayn trafiki mobil alışların onlayn satışda payının 50 faiz olacağı dönüş nöqtəsinə doğru sürətlə hərəkət edir.

Avropada yaşlı alıcıların 21 faizi İnternetdə tez-tez mal axtardığı halda 26 faiz müntəzəm onlayn alışlar etmir. 2020-ci ilin sonunadək beş əsas kateqoriya pərakəndə satışın ümumi həcminin yarısından çoxunu təşkil edəcək. Bunlar bağçılıq, evlərin abadlaşdırılması, gözəllik və kosmetika, zərgərlik məmulatları və saatlar, ayaqqabı və geyimdir.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə