Sertifikatlaşdırma üçün e-müraciət qaydası dəyişdi

28-09-2017 / 10:32

AzInTelecom-un fəaliyyət istiqamətlərindən biri də telekommunikasiya vasitələri və qurğularının sertifikatlaşdırılmasıdır.

Nazirlikdən Xeberler.az-a daxil olan məlumata görə, "Elektron hökumət" portalında Nəqliyyat, Rabitə və Yüksək Texnologiyalar Nazirliyinin xidmətləri arasında mövcud olan bu xidmət telekommunikasiya vasitələri və qurğularına uyğunluq sertifikatı verilməsi üçün müraciətlərə baxılması, tələb olunan sənədlərin qəbul edilməsi və telekommunikasiya vasitələri və qurğularının qarşılıqlı telekommunikasiya şəbəkəsinə (QTŞ) uyğunluğu barədə sertifikatın verilməsinə dair xidmətlərin göstərilməsindən ibarətdir.

Qeyd olunan xidmətdən istifadəni bir qədər də asanlaşdırmaq məqsədi ilə sertifikatlaşdırma xidmətinə sorğu prosesi tam olaraq elektronlaşdırılıb və elektron hökümət portalında telekommunikasiya vasitələri və qurğularının sertifikatlaşdırılması üçün nəzərdə tutulmuş elektron müraciət xidməti yenilənərək istifadəyə verilib.

Bunun nəticəsində artıq telekommunikasiya vasitələri və qurğularının sertifikatlaşdırılmasına fiziki qaydada müraciət etmədən, vaxt itkisinə məruz qalmadan, hətta "Elektron hökumət" portalından qeydiyyatdan keçmədən portalın Nəqliyyat, Rabitə və Yüksək Texnologiyalar Nazirliyinə məxsus bölməsindəki elektron xidmətlər siyahısından “Telekommunikasiya vasitələri və qurğularına uyğunluq sertifikatının verilməsi” xidmətinə daxil olaraq sertifikatlaşdırılma xidmətinə müraciət etmək mümkündür. Elektron xidmətin yenilənmiş formasında tələb olunan sənədlər azaldılıb və xidmətdən istifadə daha da sadələşdirilib.

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə