SimSim abonentləri İtaliya və Belarusda da öz nömrələrindən istifadə edəcəklər

06-12-2008 / 16:53

Azərbaycanın aparıcı mobil rabitə operatoru olan «Azercell Telecom» şirkətinin SimSim abonentləri İtaliya və Belarusda da öz nömrələrindən istifadə edə biləcəklər. Bu barədə «APA-ECONOMICS»ə «Azercell Telecom» şirkətinin Bakıdakı baş ofisindən məlumat verilib.

Hazırda «Azercell» 14 ölkədə 18 mobil şəbəkə operatoru ilə «Camel» xidmətinə qoşulub.

İndiyə qədər «Azercell»in fakturasız xətt abonentləri Türkiyə, Ukrayna, Rusiya, Gürcüstan, Birləşmiş Ərəb Əmirlikləri, Moldova, İsrail və Qazaxıstanda rouminq xidmətindən yararlanıblar.

Qeyd edək ki, «Azercell» şirkəti 2007-ci ilin iyul ayında Azərbaycanda ilk dəfə olaraq fakturasız xətt abonentləri üçün «RoamCELL» xidmətini istifadəyə verib. Bu xidmət, ilk dəfə Türkiyənin «Turkcell» operatoru ilə reallaşdırılıb.

Xatırladaq ki, «RoamCELL» xidmətini aktivləşdirmək üçün Azərbaycanın hüdudlarını keçməzdən əvvəl *135*1#YES düymələrini yığmaq lazımdır.

Qeyd edək ki, 1996-cı ildə yaradılan və ümumilikdə 3,5 mln. abunəçisi olan «Azercell» şirkəti indiyədək 146 ölkənin mobil rabitə operatorları ilə 366 rouminq sazişi bağlayıb.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə