“Sosial media və milli dəyərlər” mövzusunda təlimlərə başlanılıb

28-07-2015 / 12:41

Azərbaycan Milli Elmlər Akademiyasının (AMEA) Mərkəzi Kitabxanasında akademiyanın Rəyasət Heyəti aparatının İctimaiyyətlə əlaqələr və elmin populyarlaşdırılması idarəsinin (İƏEPİ) təşkilatçılığı ilə “Sosial media və milli dəyərlər” mövzusunda 4 günlük təlimlər başlayıb.

Xəbərlər-in verdiyi məlumatına görə, İƏEPİ-nin İctimaiyyətlə əlaqələr şöbəsinin rəisi Baba Əliyev bildirib ki, təlimlər çərçivəsində iştirakçılara sosial şəbəkələrdən səmərəli və düzgün istifadə, milli dəyərlərin qorunması üçün atılması lazım olan addımlar barədə məlumatlar veriləcək.

B. Əliyev deyib ki, müxtəlif sosial şəbəkələrdə Azərbaycanı, milli-mənəvi dəyərlərimizi gözdən salmağa çalışan qruplar var və bu qruplara qarşı effektiv mübarizə aparmaq üçün belə tədbirlərin keçirilməsi əhəmiyyətlidir.

Tədbirdə çıxış edən AMEA Mərkəzi Kitabxanasının rəhbəri Leyla İmanova, internet media üzrə mütəxəssis Ellada Mustafayeva və başqaları layihənin əhəmiyyətindən danışıblar, gənclərin maarifləndirilməsi işində mühüm rolu olan belə tədbirlərin mütəmadi keçirilməsinin vacibliyini vurğulayıblar.

Qeyd edək ki, təlim Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilir.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.