Sosial şəbəkələr vahid çatda birləşir

16-08-2017 / 21:42

Rusiyanın Voximplant şirkəti tərəfindən hazırlanmış proqram məhsulu müxtəlif messencerlərdə yazışmanı vahid çatda birləşdirməyə imkan verir.

Məhsul biznes üçün nəzərdə tutulub və müştərilərlə intensiv yazışmanı təmin etməlidir. Sözügedən proqram messencer deyil. Proqramçılar öz həllini "messencerlər üçün Uber" adlandırıblar.
 
Xeberler.az NRYTN-in elektron xəbər xidmətinə istinadən məlumat verir ki, proqram təminatının hazırlanmasına təxminən 1 il vaxt sərf edilib.

Voximplant şirkətinin mətbuat xidmətindən bildiriblər ki, "sözügedən həllin yekun dəyərini hesablamaq çətindir, çünki layihə komandası API üzərində tam iş günü işləməyib". Məhsulun artıq sifarişçiləri var, lakin onların adları gizli saxlanılır.
 
Yeni proqramın yaradıcıları qeyd edirlər ki, bir çox şirkətlər gün ərzində müştərilərdən minlərlə mesaj alırlar. Həmin şirkətlərin əməkdaşları bu mesajları "əllə" emal etməli olur, yəni müxtəlif messencerlər arasında keçid edirlər və eyni zamanda ümumi mesaj bazası yaratmalı olurlar. Voximplant şirkətinin nümayəndələri əmin edirlər ki, şirkət əməkdaşları gündəlik bu işlərə 1,5 saat vaxt sərf edirlər.
 
Voximplant şirkətinin həlli messencer, sayt və ya smartfon vasitəsilə göndərilmiş mesaj və zəngləri qəbul edir və onları əlaqə mərkəzinin əməkdaşları üçün növbə şəklinə salır. Növbə həm əllə, həm də avtomatik yaradıla bilər. Mesajlar həm ani, həm də təxirə salınmış kimi göndərilə bilər. Platforma WhatsApp, Viber və Telegram messencerlərini dəstəkləyəcək.
 
Proqramçıların sözlərinə görə, onların həllindən istifadə kompüter və ya başqa qurğuya yüklənməni azaldır.

Xeberler.az
 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə