Sosial servislərin tədris prosesində rolu ilə bağlı müzakirələr və təlimlər keçiriləcək

27-03-2012 / 16:45

Multimedia Mərkəzi tərəfindən “Sosial servislərin pedaqoji imkanlarından effektiv istifadə mexanizmlərinin hazırlanması və İKT- dən istifadə edən müəllimlərin peşəkarlığının artırılmasına dəstək” Layihəsinin icrasına başlanılıb.

Layihənin əsas məqsədi İnternet texnologiyalardan, sosial media alətlərindən təhsilməqsədləri üçün effektiv istifadə mexanizmləri hazırlamaq və təhsil sisteminin informasiyalaşması prosesinə metodiki-informasiya dəstəyi göstərməkdir.

Layihə çərçivəsində “Sosial servislərin tədris prosesində rolu” mövzusunda ictimai müzakirələr təşkil etmək və “Müəllimlər üçün Sosial servislər ” mövzusunda Təlimlər keçirmək nəzərdə tutulub.

Tədris prosesi iştirakçılarının (müəllimlərin, metodistlərin və. s ) şəbəkə cəmiyyətlərinin yaradılmasına köməklik göstəriləcək. Təhsil yönümlü virtual müzakirələr üçün platforma hazırlanacaq.

“Müəllimlərin virtual metodiki birlikləri və təhsildə İKT “ mövzusunda İnternet resursu hazırlanacaq . Resursda milli elektron tədris resursları haqqında, təhsildə İKT-nin tətbiqi haqqında hüquqi-normativ baza yerləşdiriləcək.

Multimedia Mərkəzi bildirir ki, Layihə Təhsil sisteminin informasiyalaşdırılması idarəsi və “Elektron məktəb” Layihəsinə qoşulan təhsil müəssisələri ilə əməkdaşlıq şəraitində gerçəkləşəcək.

Multimedia Mərkəzi maraqlı tərəfləri Layihə çərçivəsində həyata keçiriləcək tədbirlərdə yaxından iştirak etməyə dəvət edir. Layihə İREX təşkilatı tərəfindən dəstəklənib.

Xeberler.az

ŞƏRHLƏR


OXŞAR XƏBƏRLƏR







sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə