STARTAP AZƏRBAYCAN

Startap Azərbaycan layihəsi çərçivəsində bölgələrdə gənclərlə görüşlər davam edir.

Belə ki, bu dəfə Lənkəran Dövlət Universitetində startap və İT biznes fəaliyyəti ilə maraqlanan gənclərlərlə görüş keçiriləcək.

Bu barədə Xeberler.az-a Startap Azərbaycan-ın Təşkilat Komitəsindən məlumat verilib.

Qeyd edilib ki, görüş mayın 12-də Lənkəran Dövlət Univesitetində baş tutacaq.

Tədbirdə Azərbaycanda startap ekosisteminin inkişafı, internet və IT biznes, Startap Azərbaycan haqqında, startap müsabiqələri barədə gənclərə məlumat veriləcək.

Qeyd edək ki, görüşdə Startap Azərbaycan komandasının üzvləri, İT ekspertlər, startapçılar və Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun nümayəndələri iştirak edəcək.

İT-nin İnkişafı Dövlət Fondunun nümayəndələri də Dövlət Fondunun həyata keçirdiyi layihələr, qrant müsabiqələri və qarşıda gözlənilən tədbirlər haqqında danışacaq.

Qeyd edək ki, görüşdə Lənkəranda fəaliyyət göstərən kolleclərin tələbələri və bu sahə ilə maraqlanan gənclər də iştirak edə biləcək.

Xəbər verdiyimiz kimi, Startap Azərbaycan bundan əvvəl Gəncədə və Mingəçevirdə belə görüş təşkil edib.

Startap Azərbaycan Layihəsinə Rabitə və Yüksək Texnologiyalar Nazirliyi , İT-nin İnkişafı Dövlət Fondu və Yüksək Texnologiyalar Parkı dəstək verir.

Startap Azərbaycan-ın Akademik partnyoru ADA Universitetidir.

ATL Group, SİNAM, Neuron Technologies, SUP Accelerator, NEXT STEP İnnovasiya Mərkəzi və Cybernet şirkətləri Startap Azərbaycan-a dəstək verir və sponsorluq edirlər. 

Məltəm Talıbzadə