Startap layihəmizə böyük miqdarda yatırım edilə bilər

15-10-2015 / 13:57

Məlumat verdiyimiz kimi, Budapeştdə (Macarıstan) Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində fəaliyyət göstərən xüsusiləşmiş təsisatı - Beynəlxalq Telekommunikasiya İttifaqının (BTİ) təşkilatçılığı ilə "ITU Telecom World 2015” sərgisi davam edir.

Konfransda Azərbaycanlı startaplarımız da aktiv təmsil olunur.

Xarici investorların  startap layihələrimizə maraq olduqca yüksəkdir.

BethClip və  Braille Pad layihəsindən yaxından tanıdığımız startapçı Rəşid Əliyev konfrans çərçivəsində bir sıra faydalı görüşlər keçirib.

Belə ki, Rəşid Əliyev sərgi çərçivəsində dünyada İT layihələrinə maliyyə dəstəyi göstərən İmpulse şirkətinin rəsmisi  Abdulraouf Alfeeli ilə fərdi görüşüb.

Görüş əsnasında Rəşid Əliyev hər iki layihəsi ilə bağlı geniş təqdimat edib.

Şirkət rəsmisi Braille Pad layihəsini bəyənib və bu layihənin üzərində dayanıb.

Alfeeli qeyd edib ki, layihəyə dəstək göstərə bilərlər.

Rəşid Əliyev Xeberler.az-a  bildirib ki, layihə ilə bağlı məlumatlar rəsmi şəkildə sənədlərlə birgə şirkətə göndəriləcək. Bu mərhələdən sonra layihəmizə investisiya ayrıla bilər.

Qeyd edək ki, İmpulse şirkəti İT layihələrə ən kiçik məbləğlə-  1 milyon dollardan başalayaraq  yatırım edir.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə