Sumqayıt şəhər rəhbərliyi ictimaiyyətlə internet forum vasitəsilə ünsiyyət quracaq

08-10-2009 / 16:34

Sumqayıt şəhər İcra hakimiyyəti ictimaiyyətlə əlaqələrin təşkili və informasiya texnologiyalarının inkişafı sahəsində növbəti layihəyə start verir.

Sumqayıt şəhər İcra hakimiyyətindən xeberler.az-a verilən məlumata əsasən,Oktyabr ayından etibarən Sumqayıtın rəhbər şəxsləri ilə şəhər sakinləri və ümumilikdə ictimaiyyət arasında birbaşa elektron əlaqənin təşkili və şəffaf ünsiyyət sisteminin yaradılması məqsədilə müntəzəm internet-forumlar təşkil ediləcək. Hər ay forumda şəhərin rəhbər şəxsləri, Sumqayıtın idarə, müəssisə və təşkilat rəhbərləri qonaq qismində iştirak edəcək və onlara ünvanlanmış sualları cavablandıracaqlar.

Forumun ilk qonağı Sumqayıt şəhər İcra hakimiyyətinin başçısı Vaqif Əliyevdir. Artıq bütün maraqlananlar www.sumqayit-ih.gov.azwww.sumqayitxeber.com internet səhifələrində yerləşdirilmiş keçid vasitəsilə forumun qonağına öz suallarını göndərə bilərlər.

Layihəyə texniki dəstəyi Sumqayıt İnformasiya Texnologiyaları Akademiyası göstərir.

Xatırladaq ki, yerli icra hakimiyyətləri arasında Azərbaycanda ilk internet səhifə 2004-cü ildə məhz Sumqayıtda yaradılmış, şəhər rəhbərliyinin vətəndaşlarla elektron poçt vasitəsilə ünsiyyəti təmin edilmişdir. Saytda yerləşdirilən xəbərlər daim yenilənməklə şəhər sakinlərinin və mətbu orqanların informasiya mənbəyinə çevrilmişdir. 2008-ci ildə isə şəhər İcra hakimiyyəti aparatında sənədlərin elektron dövriyyəsi sistemi istifadəyə verilmişdir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə