Yaponiya alimləri insanın nəzarəti altında hekayə və povestlər yaza bilən süni intellekt yaratmağa müvəffəq olublar.
Həmin süni intellekt tərəfindən yazılmış povest Yaponiyada məşhur “Xoşi Şiniçi” adına ədəbiyyat müsabiqəsinə qəbul olunub.
Xeberler.az ict.az-a istinadən məlumat verir ki, mütəxəssislər uzun müddətdir ki, insan kreativliyini emulyasiya edə bilən süni intellekt yaratmağa çalışırlar. Buna nail olmuş yapon istehsalçılarının komandasına rəhbərlik edən professor Xitoşi Matsubara bildirib ki, süni intellektin hekayə yazması üçün ona əsərin qəhrəmanı haqqında məlumat, süjetin ümumi sözlərlə təsviri, həmçinin istifadə edə biləcəyi söz, ifadə və cümlələrin siyahısı verilib. Süni intellektin əsas vəzifəsi bütün elementləri vahid strukturda birləşdirmək, povestin oxunaqlı və maraqlı olmasını təmin etmək olub.
Nəticədə “Kompüterin povest yazdığı gün” adlı əsər işıq üzü görüb. Əsas qəhrəman özündə yazıçılıq istedadını aşkar etmiş süni intellekt olub. Münsiflərdən biri əsərdə personajların aydın təsvir olunmadığını bildirib və povest müsabiqəni tərk edib. Qeyd etmək lazımdır ki, münsiflərə əsərlər və müəlliflər barədə öncədən məlumat verilməyib.
Süni intellekt sahəsində əldə olunan nailiyyətlər göstərir ki, yaxın gələcəkdə maşın insanla müxtəlif yaradıcılıq sahələrində yarışa biləcək.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri