TƏDBİRLƏR

Bakıda  texnologiya nəhəngləri hesab edilən Lenovo, Nutanix və Veeam şirkətinin təşkilatçılığı ilə müasir Data Mərkəz infrastrukturun qurulmasına həsr edilən konfrans keçirilib.

Xeberler.az məlumat verir ki, konfransda səslənən məruzələr Lenovo, Nutanix və Veeam-in birgə qurduğu bu həllin komponentlərinin təqdimatına həsr olunub.

Həmçinin, Azərbaycanda həyata keçirilən real layihələr də nümayiş edilib.

Nutanix şirkətinin Rusiya, MDB ölkələri və Şərqi Avropa üzrə regional deirektoru Piter Meycer (Peter Major)  qeyd edib ki, ən qabaqcıl texnologiyalar həyat tərzini asanlaşdırır, lakin biz onları nadir hallarda görə bilirik:

“Onlar gözə görünməz olublar. Məhs belə görünməz şəkildə çalışan İT infrastrukturunu ən yaxşısı adlandırmaq olar. Lenovo, Nutanix və Veeam tamamilə “görünməz” bir infrastrukturda biznes üçün istənilən əlavələri tədbiq etmək imkanı yaradır. Həmin infrastrukturu sayılan saatlarda genişləndirmək və bir toxunuşla idarə etmək mümkündür”.

Daha sonra Nutanix-in nümayəndəsi Roman Xmelevskiy məruzə ilə çıxış edib.

 O, İT sahəsində “görünməz” infrastrukturun nüansları haqda danışıb.

 Lenovo Datacenter Group Departamentinin Azərbaycandakı əsas sifarişçilərlə iş üzrə rəhbəri Rasim Baxşi qonaqları Lenovo ThinkAgile aparat platforması ilə tanış edib.

Veeam şirkətini təmsil edən Pavel Kosarev isə məlumatların davamlı qorunması üzrə ən son məhsullarını təqdim edib.

Vendorun təmsilçilərindən başqa Lenovo və Nutanixin məhsulları bazasında “fərdi buludun” yaradılması mövzusunda Delta Telecom şirkətinin nümayəndəsi Rüfət Talıbov da məruzə ilə çıxış edib.

“Lenovo ilə Nutanix-in birgə təklif etdiyi həlli korporativ sifarişçilərimiz üçün məlumatların emalı və saxlanılması üzrə müasir infrastrukturun yaradılması prosesini sadələşdirən bir sistemin yaradılmasına imkan yaratdı. Biz onu keyfiyyət baxımından yeni məhsuldarlıq və effektivlik səviyyəsinə çıxara bildik, eyni zamanda yatırımlara çəkilən xərcin çıxarılması dövrünü xeyli sürətləndirə bildik.” – deyə Delta Telekom nümayəndəsi bildirib.

Birgə keçirilən konfrans çərçivəsində, Bona Dea Azerbaijan Beynəlxalq hospitalı timsalında uğur hekayəsi haqqında da danışılıb. Yeni xəstəxanada Lenovo və Nutanix məhsulları bazası əsasında ən müasir data-mərkəzi qurulub.

“Fərdi buludun” qurulması üzrə unikallığı ilə seçilən bu layihə 72 müxtəlif tibbi əlavənin presedentsiz inteqrasiyasını özündə cəmləyir. Həmin əlavələr Lenovo HX platformasında tibbi proqram təminatlarının dünyaca məşhur istehsalçılar tərəfindən hazırlanıb. Eyni zamanda, əməliyyat sisteminin sonuncu versiyasının ən qabaqcıl imkanları və Nutanix-in AHV hipervizoru ilə dəstəklənir. İşəsalınma prosesi iki həftədən də az vaxt apardı və hal-hazırda sistemi cəmi iki mühəndis idarə edir.” – deyə Bona Dea Azerbaijan nümayəndəsi Ramiz Şirinov vurğulayıb.

Qeyd edək ki, Lenovo və Nutanix tərəfdaşlığının Azərbaycandakı nailiyyətləri ötən ay Nis şəhərində keçirilən Nutanix .NEXT Avropa konfransında yüksək qiymətləndirib.

Azərbaycandan olan nümayəndə heyəti Nutanix şirkətinin həmtəsisçisi və rəhbəri Diraş Pandeylə (Dheeraj Pandey) və şirkətin prezidenti Sudiş Nairlə (Sudheesh Nair)görüş keçiriblər.

Göruş zamanı Nutanix rəhbərliyi növbəti dəfə qeyd edib ki, yerlərdə olan belə bir əməkdaşlıq dünya səviyyəli yeni qlobal həllərin yaradılması üçün stimul verir.

Məltəm Talıbzadə