Twitter ikinci rübün nəticələrini açıqladı

29-07-2015 / 13:54

Twitter ikinci rübün ilk rəsmi nəticələrini açıqladı.

Xəbərlər-in xarici mətbuata istinadən verdiyi məlumatına görə, şirkət aylıq aktiv istifadəçi sayını ötən ilin ikinci rübünə nəzərən 15 faiz  artırıb. Twitter  eyni zamanda 308 milyon olan aylıq aktiv istifadəçi sayını 316 milyona çatdırıb.

Twitter-in icraçı direktoru Jack Dorsey ikinci rübün ilk nəticələrindən ümumi olaraq məmnun olsa da, inkişaf baxımından yetərincə öndə olmadıqlarını bildirib.

Twitter ikinci rübdə 502 milyon dollar gəlir əldə etməyi bacarıb. Bir əhəmiyyətli fakt isə Twitter-in gəlirlərinin 88 faizinin  mobil mənbələrdən gəlməsidir.  Mobil mərkəzi olan sosial şəbəkənin bu mənada çox müvəffəqiyyətli olduğunu vurğulamaq mümkündür.

Qeyd edək ki, bu rübdə 545 ilə 560 milyon dollar arasında gəlir əldə etməyi gözləyən Twitter-in artıq 3.6 milyard dollar büdcəsi  var.

                                                                                       Ağasəf Haqverdiyev


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə