Ukraynalı mütəxəssislərlə e-hökumət sahəsində əməkdaşlıq müzakirə olunub

11-11-2016 / 10:35

Rabitə və Yüksək Texnologiyalar Nazirliyində Azərbaycanın “elektron hökumət” formalaşdırılması üzrə təcrübəsi ilə tanış olmaq üçün ölkəmizə səfər etmiş Ukrayna nümayəndə heyəti ilə görüş keçirilib.

RYTN-dən Xeberler.az-a verilən məlumata görə, Ukraynanın Azərbaycandakı fövqəladə və səlahiyyətli səfiri Aleksandr Mişenko görüşdə iştirak edib.

Ukraynanın Elektron Hökumət Agentliyinin sədr müavini Aleksey Viskubun rəhbərlik etdiyi nümayəndə heyəti səfər zamanı “Elektron hökumət” portalının fəaliyyətinin təşkili, elektron imzanın tətbiqi, həyata keçirilmiş layihələr barədə ölkəmizdəki təcrübə ilə əyani tanış olacaqlar.

Nazir müavini Elmir Vəlizadə görüşdə  Azərbaycanın “elektron hökumət” təcrübəsi barədə qonaqlara məlumat verib. Görüşdə qarşılıqlı əməkdaşlıq barədə fikir mübadiləsi aparılıb.

Daha sonra qonaqlar “Elektron hökumət” portalının operatoru olan Məlumat Hesablama Mərkəzinin mütəxəssisləri ilə görüşə qatılıblar. Elektron xidmətlərin genişləndirilməsi istiqamətində həyata keçirilən işlər, "elektron imza" infrastrukturu, əldə olunan nəticələr və gələcək perspektivlər barədə qonaqlara ətraflı məlumat verilib. www.e-gov.az portalı ilə  bağlı qonaqları maraqlandıran suallar ətrafında geniş fikir mübadiləsi aparılıb. 

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə