Nəqliyyat Nazirliyi Bakı Metropoliteni ilə birgə tətbiq edilməsi nəzərdə tutulan nəqliyyatda vahid kart sisteminin tətbiqi ilə bağlı açıqlama verib.
Xəbərlər-in verdiyi məlumata görə, qurumun mətbuat xidmətinin rəhbəri Namiq Həsənov bildirib ki, vahid kart sistemindən istifadə ilə bağlı aparatlar öncə “Baku Bus” MMC-yə məxsus avtobuslarda quraşdırılacaq.
Onun sözlərinə görə, insanlar ilk aylarda yalnız bu MMC-yə məxsus avtobuslarda həmin kartdan istifadə edə biləcəklər. Sonradan 2300-dən artıq avtobusda mərhələ-mərhələ aparatın quraşdırılmasına başlanılacaq.
N.Həsənov deyib ki, əvvəlki kart sisteminə nisbətən hazırki layihədə sistem bir qədər təkmilləşdirilib: “Bu kart vasitəsilə metrodan, avtobusdan və hətta bank xidmətlərindən də istifadə etmək mümkün olacaq. Bir sözlə, vahid kart sistemi universallığı ilə seçiləcək”.
Nazirliyin rəsmisi bildirib ki, artıq Bakı Metropoliteninin əksər stansiyalarında gedişhaqqını yükləmək üçün “BakıKART” aparatları quraşdırılıb. Eyni zamanda, “Baku Bus” MMC-yə məxsus “Baku Bus”ın dayanacaqlarında sözügedən aparatlar quraşdırılacaq.
N.Həsənov bütövlükdə vahid kart sisteminin tətbiqinə Avropa Oyunlarından sonra başlanacağını deyib. (a24.az)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri