Virtual Reallıq Titanik fəlakətini yaşamağa imkan verəcək

24-02-2017 / 17:01

Artıq Ceyms Kemeronun transatlantik paroxodlar tarixində ən böyük gəmilərdən birinin okean sularına qərq olmasını əks etdirən filminin premyerasından 20 il ötür.

1912-ci il aprelin 15-də baş verən dəhşətli qəza 1496 insanın həyatına son qoymuş və tarixə düşmüşdür.

İndi arzu edən hər kəs virtual reallıq və Titanic VR oyunu sayəsində bu əfsanəvi gəminin içində onun sərnişinləri ilə birlikdə o dəhşətli anları “yaşaya” biləcək. Bunun üçün oyunçu Titanikin sərnişinlərindən birinin roluna girməlidir.

Xeberler.az ict.az-a istinadən məlumat  verir ki, o, gəmi batdıqdan sonra okeanın dibinə enə və artıq indiki zamanda onun qalıqlarını tədqiq edə biləcək.

İstehsalçılar məkanı və gəminin interyerini ən xırda təfərrüatlara qədər bərpa etmək üçün çoxlu sayda kitab və tarixi sənədləri araşdırıblar. Oyun yalnız əyləncə üçün deyil, həm də tələbə-tarixçilər və batmış gəminin içində olmağı arzulayanlar üçün nəzərdə tutulub.

Proqramı daha əvvəl virtual reallıqda ilk astronavtları Aya çatdırmış məşhur Appolon 11 kosmik gəmisinin uçuşunu təcəssüm etdirən İrlandiyanın “Immersive VR” studiyası hazırlayıb.

Titanic VR layihəsini Kickstarter platformasında dəstəkləmək olar. Artıq nəzərdə tutulmuş 50 000 funt-sterlinqin 30 000-dən çox hissəsi toplanıb. Oyun Böyük Britaniya sakinləri üçün 20 funt-sterlinqə başa gələcək ki, bu da təxminən 25 ABŞ dollarına bərabərdir.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə