“Wi-Fi” şəbəkəsini dəstəkləyən qurğuların tədarükü 3,75 milyard ədədə çatacaq

18-04-2015 / 11:34

Tayvanın “Intelligence & Consulting Institute” (MIC) tədqiqat institutunun proqnozuna görə, smartfonlara yüksək tələbat və “Əşyaların interneti” sektorunun inkişafı sayəsində yaxın illərdə “Wi-Fi” simsiz rabitə şəbəkəsini dəstəkləyən qurğuların tədarük həcmi artmaqda davam edəcək.

Xəbərlər Rabitə və Yüksək Texnologiyalar  Nazirliyinin rəsmi saytına istinadən məlumat verir ki, ekspertlərin məlumatına görə, 2014-cü ildə dünyada ümumilikdə internetə “Wi-Fi” vasitəsilə qoşulmağa imkan verən 2,27 milyard müxtəlif qurğu buraxılıb. 2013-cü illə müqayisədə bu göstərici 18 faiz artıb.

2015-ci ildə belə qurğuların tədarük həcminin daha 15,7 faiz artaraq 2,62 milyard ədədə çatacağı gözlənilir.

Lakin 2019-cu ildə proses 7,3 faizədək zəifləsə də, bununla dayanmayacaq. Ekspertlərin hesablamasına görə, cari beşillikdə (2014-2019) “Wi-Fi” modulları ilə təchiz edilən qurğuların dünya bazarında ortaillik artım tempi 10,6 faiz səviyyəsində olacaq. Proqnozlaşdırılan dövrün sonuna bu bazarın həcminin natural ifadədə 3,75 milyard ədədə çatacağı gözlənilir.  

Bir müddət əvvəl "Strategy Analytics” analitik şirkəti tərəfindən aparılan tədqiqatda qeyd olunub ki, 2014-cü ildə dünyada 450 milyon ev təsərrüfatı "Wi-Fi” şəbəkəsinə qoşulub ki, bu da 2013-cü ilin göstəricisindən 5 faiz çoxdur. Texnologiyanın daha çox Niderlandda yayılması müşahidə olunur. Bu ölkədə ailələrin 80,4 faizi "Wi-Fi”-dan istifadə edir. Simsiz ev şəbəkələrinin nüfuzetmə səviyyəsinə görə liderlər üçlüyünə həmçinin Cənubi Koreya (76,4 faiz) və Norveç (76,2 faiz) daxildir.

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə