Xercim.az -a yeni funksiyalar əlavə edildi

14-11-2015 / 13:43

Sadiqlik kartlarını mobil telefonda saxlamağa imkan verən və xüsusi təkliflər təqdim edən Xərcim.az- iKeebon tətbiqdə bir neçə yeni funksiyanı təkmilləşdirib.

Xeberler.az-ın məlumatına görə,artıq tətbiqdəki kartların qarşısında loqoları da yerləşdirilib. Belə ki, bundan sonra istifadəçilər tətbiqə kart əlavə etdikdə loqolar əsasında kartları rahatlıqla ayırd edə biləcəklər.

Bundan əlavə , tətbiqdə “xüsusi təkliflər” bölməsindın saytlara keçid əlavə edilib.

Bu isə o deməkdir ki, xüsusi təkliflər yalnız tətbiq daxilindəki təkliflərlə bitmir, eyni zamanda Xərcim.az-da müxtəlif onlayn platformalar, elektron ticarət saytları, hətta Instagram və Facebook profillərinə də istiqamətləndirmə imkanı veriləcək.

Hazırda iKeebon - Amazon.com, Booking.com, RealMadrid FC-nin rəsmi onlayn mağazası, Kaspersky, Hilton Otellər şəbəkəsi və s. şirkətlərlə rəsmi tərəfdaşlıq edir. Bu xidmətin isə iki növü var- xüsusi təklifdən bir başa sayta keçid, xüsusi təklif haqqında ətraflı məlumat verilməklə sayta keçid.

iKeebon-da növbəti yenilik isə iBeacon təkliflərlə bağlıdır. Belə ki, istifadəçilər iBeacon ilə olan gizli təkliflərin harada olduqlarını görə biləcək və əgər onlara maraqlı olarsa , həmin yerə yaxınlaşaraq, telefonunun  bluetooth-nu aktivləşdirməklə gizli təklifi aça biləcəklər.

 

Onu da qeyd edək ki,yaxın zamanda tətbiqdən qeydiyyatasız istifadənin də mümkün olacağı gözlənilir.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə