Yaponiyalı ixtiraçı gənclərə “Texnologiya və sahibkarlıq” mövzusunda seminar keçirilib

10-10-2018 / 10:11

Nəqliyyat, Rabitə və Yüksək Texnologiyalar Nazirliyinin dəstəyi ilə Azərbaycan Robotexnika Mühəndisliyi Akademiyası tərəfindən yaponiyalı ixtiraçı Kohei İşiqaminiın iştirakı ilə Bakıda universitet tələbələri, texnologiya sahəsində istedadı olan məktəblilər, bu sahədə öz biznesini qurmaq istəyən gənclərə və valideynlərə seminar keçirilib.
 
Xeberler.az  bildirir ki, ilk olaraq Binəqədi Gənclər Evində yaponiyalı ixtiraçı ilə gənclərin görüşü keçirilib. Yaponiyadan öz robotları ilə gəlmiş tanınmış robotexnika mühəndisi K.İşiqami gənclərə robotlardan ibarət xüsusi hazırlanmış proqram nümayiş etdirib, həmçinin "Texnologiya və sahibkarlıq", "Humanoid robotlar", "Əşyalar interneti" mövzularında seminar keçib.
 
Nazirlik tərəfindən internet üzərindən yaradılan qeydiyyat səhifəsi vasitəsi ilə 14 yaşdan yuxarı məktəblilər və ya tələbələrin seminarda pulsuz iştirakı təmin olunub. Bunun üçün iştirakçılardan sosial şəbəkə səhifələrində (instagram, facebook və s.) #ideyadanbiznesə,  #‎i2b, #hightechpark, #itfund, #innovation heşteqləri altında robotexnika ilə bağlı kreativ statuslar paylaşmağı və paylaşdıqları statusun "skrinşot"unu qeydiyyat bölməsinə əlavə edərək müraciət etmələri xahiş olunmuşdu. Beləliklə, qeydiyyatdan keçən 41 nəfər seminarda ödənişsiz iştirak edib.  


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.