Yay məktəbinin tələbələri Azərkosmos-da olub

04-06-2015 / 16:25

AMEA Şamaxı Astrofizika Rəsədxanası, Qafqaz Universiteti, TUSİ BOHM Planetarium və “Azərkosmos” ASC-nin təşkilatçılığı ilə mayın 29-dan iyunun 1-nə qədər  Pirqulu qəsəbəsi – Şamaxı Astrofizika Rəsədxanasında Tələbələrarası I Astronomiya Yay Məktəbi (TAYM-1) fəaliyyətə başlayıb.

Xəbərlər-in verdiyi məlumata görə, ölkədaxili 8 Universitetdən seçilən 40 tələbə üçün Azərbaycan və qonşu ölkələrdən dəvət edilən elm adamları tərəfindən 6 təlim keçirilib. Təlim proqramına əsasən, bu müddət ərzində teleskoplar vasitəsilə müşahidələr, elmi-intellektual müzakirə və yarışlar, eləcə də Pirqulu dövlət qoruğuna ekskursiyalar təşkil olunub.

Şamaxı Rəsədxanasının Direktoru, Milli Elmlər Akademiyasının müxbir üzvü, Əyyub Quliyevin məlumatına görə, belə bir yay məktəbi tələbələrin fundamental elmlərə qarşı marağının artmasına, habelə Astronomiya elminin təbliğinə ciddi təkan verəcək.

Yay məktəbinin tələbələri Azərkosmosun Əsas Yerüstü Peyk İdarəetmə Mərkəzinə (ƏYPİM) səfər  ediblər. Tələbələrə Azərkosmos, Azerspace-1 peyki və onun texniki xüsusiyyətləri, Azersky peykinin tətbiq sahələri və növbəti peyk layihələri haqqında ətraflı məlumat verilib. Eyni zamanda, görüşdə Azərbaycan üçün kosmik sənayenin inkişafının əhəmiyyətindən də bəhs olunub.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə