STARTAP AZƏRBAYCAN

Məlumat verdiyimiz kimi, Qafqaz Universiteti texnoparkı (QU texnopark)  innovativ sahibkarlığın inkişaf etdirmək məqsədi ilə  hər il Yeni Fikir müsabiqəsi təşkil edir.

Artıq IV Yeni Fikir (YFM)- 2016 müsabiqəsi elan edilib.

Xeberler.az olaraq  müsabiqəyə  layihələrin qəbul şərtləri və  bu il YFM-də olacaq yeniliklərlə maraqlandıq.

Müsabiqənin Təşkilat Komitəsi bu istiqamətdəki suallarımızı cavablandırıb:

-Bu il Yeni Fikir müsabiqəsində hansı yeniliklər olacaq? KoçSistem Azərbaycan  Qafaqaz Universitetində yeni mərkəz açdı.  Şirkətin direktoru Ali Kutvan qeyd etdi ki, bu il Yeni Fikir müsabiqəsində münsiflər heyəti və digər məsələlərlə bağlı yenilik olacaq. Konkret olaraq söhbət hansı yeniliklərdən gedir?

-Bunda əvvəl təşkil etdiyimiz yeni fikir yarışmalarında qalib layihələrin şirkətləşmələri üçün pul mükafatları verirdik. Bu il isə qalib layihələrin iştirakçılarına Almaniya və Türkiyə Texnoparklarında 15 günlük təlimlər və Sup.az və QUTechnopark İnkubasiya mərkəzlərində 1 illik pulsuz istifadə imkanları veriləcək.

-Müsabiqəyə qeydiyyat nə vaxtdan başlayıb?

-Müsabiqəyə qeydiyyat fevralın 1-dən başlıyıb və layihələrin qəbulu martın 15-nə qədər davam edəcək.

-Bu günə qədər neçə layihə qəbul edilib?

-Biz ildə bir dəfə olmaqla Yeni Fikir yarışmasını təşkil edirik. Bu il 4-cüdür, və bu ilə qədər hər il ortalama 250-280 layihə ilə müraciət olunur. Hazırda artıq 6 gündür ki, Yeni Fikir Müsabiqəsi 2016 elan olunub və  hazırda 14-dən çox layihə  müraciət edib.

-Layihələrin qəbulunda limit varmı?

-Xeyir, layihələrin qəbulunda heç bir limit yoxdur. Hətta bir adam bir neçə layihə də göndərə bilər. Çünkü burda yarışan insanlar deyil , layihələrdir.

-Əsasən hansı istiqamətdəki startap layihələrinə önəm verilir?

-Daha çox  İT, e-ticarət, xidmət sahələri, sosial layihələr, proqram təminatları, mobil tədbiqetmə istiqamətlərində layihələrin qəbul edilmə şansı yüksəkdir.

-Qaliblər nə naxt müəyyənləşəcək?

-Bildiyiniz kimi , hazırda Yeni Fikir yarışması layihələrin qəbulu mərhələsindədir. Müsabiqəyə qeydiyyat martın 15-də tamamlanacaq. Bundan sonra layihələrin dəyərləndirilməsi, yarım final və final mərhələləri olacaq. Qaliblərdə təxminən may ayının son həftələrində baş tutacaq final mərhələsindən sonra müəyyən olunacaq.

-Qalibləri hansı mükafatlar gözləyir, onlar nə kimi imkanlar qazanacaq?

-1-ci yer  - SUP.az tərəfindən dəstək + 15 günlük Almaniyada təlim (minimum komanda lideri) , + Juri tərəfindən təstiq olunsa 10.000 AVRO-ya qədər mükafat

2-ci yer  - SUP.az tərəfindən dəstək + 15 günlük Almaniyada təlim (minimum komanda lideri)

3-cü yer - QU texnopark  tərəfindən dəstək + 15 günlük Türkiyədə  təlim (minimum komanda lideri)

4-cü yer - QU texnopark  tərəfindən dəstək + 15 günlük Türkiyədə  təlim (minimum komanda lideri)

5-ci yer - QU texnopark  tərəfindən dəstək + 15 günlük Türkiyədə  təlim (minimum komanda lideri)

-Müsabiqəyə hər kəs müraciət edə bilər?

-Yeni Fikir Müsabiqəsi 2016 da tələbə, magistr, akademik vəya iş dünyasında hər kəs iştirak edə bilər.

Müsabiqə ilə bağlı daha ətraflı burada. 

 Məltəm Talıbzadə