“Nokia” şirkəti Əbu-Dabidə keçirilən illik “Nokia World” təqdimat mərasimində “Lumia 1520” və “Lumia 1320” smartfon modellərini nümayiş etdirib. 6 düym ekranlı qurğular hazırda “Windows Phone” əməliyyat sisteminin idarəetməsi ilə işləyən ən böyük aparatlar hesab edilir.
“Lumia 1520” modeli “Microsoft” korporasiyasına məxsus əməliyyat sistemi ilə 1080p piksel təsvir ölçüsünə və dördnüvəli “Snapdragon 800” prosessoruna malik ilk mobil qurğu olacaq. Modelin daha bir fərqləndirici cəhəti 20 meqapikselli kamera və optik sabitləşdirici ilə təchiz olunmasındadır. “Lumia 1520” satışa qara, ağ, qırmızı və sarı rəngli korpuslarda çıxarılacaq.
Korpusu plastikdən hazırlanan qurğu 4 mikrofona malikdir və stereo səsi yaza bilir. Qiyməti 749 dollar olacaq smartfon 32 giqabaytlıq daxili yaddaşa malik olmaqla “microSD” kartını dəstəkləyir.
“Nokia” “Lumia 1520” ilə eyni vaxtda daha ucuz “Lumia 1320” modelini nümayiş etdirib. Bu qurğu da 6 düymlü ekranla təchiz olunub, lakin nisbətən zəif texniki xüsusiyyətlərə malikdir. Qiyməti 339 dollar təşkil edəcək “Lumia 1320” ikinüvəli prosessor, 5 meqapikselli kamera və 720p piksel təsvir ölçüsü ilə təchiz edilib. (mincom.gov.az)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri