Nəqliyyat Nazirliyinin Dövlət Avtomobil Nəqliyyatı Xidmətinin Sumqayıt Regional Şöbəsi şəhərdə fəaliyyət göstərən şəhərdaxili marşrutlarda QR Code quraşdırır.
Yeni sistemin layihə rəhbəri və ideya müəllifi Ziya Əskərov Xeberler.az-a sistemin fəaliyyət istiqaməti barədə ətraflı məlumat verib.
O, bildirib ki, sürücüdən narazı olan sərnişinlər yeni tətbiq vasitəsilə şikayətlərini ünvanlaya biləcək:
“QR Code kağızlara yapışdırılaraq hər bir avtobusda yerləşdirilir. Sürücüdən narazı olan sərnişinlər telefonla QR kodu oxuyur. QR kod oxunan kimi telefonda şikayət forması görünür. Bu zaman şikayətçi ad, soyad və şikayətini yazıb birbaşa sistemin bazasına ötürür. Unikal QR kod ilə isə şikayətin haradan gəldiyi bilinir”.
Layihə rəhbəri qeyd edib ki, tətbiqin Android və iOS versiyası da hazırlanıb.
Onun sözlərinə görə, yalnız telefona yüklənən kod oxuyucu ilə deyil, başqa kod oxuyucu da yükləyib bu xidmətdən istifadə etmək olar.
Sistem 4 dildə ( rus, ingilis, türk, Azərbaycan dili) xidmət göstərir .
Ziya Əskərov Xeberler.az-a bildirib ki, proqram təminatına xüsusi nəzarət də təşkil edilib. Belə ki, nəzarət bölməsi sürücülərin qeydiyyatını həyata keçirir, sistemə daxil olan şikayətləri qəbul edir, tənzimləyir və sistemin funksiyalılığını da artırmağa kömək edir.
Qeyd edək ki, proqram təminatı mobil tətbiq və veb versiyalardan ibarətdir.
Bu gün sistemin təqdimat mərasimi keçiriləcək.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri