Tayvanın TSMC şirkəti Apple istehsalçısının payızda təqdim edəcəyi növbəti nəsil iPhone smartfonları üçün prosessorların seriyalı buraxılışına başlayıb.
Xeberler.az xarici mediaya istinadən bildirir ki, ABŞ şirkətinin A12 adlı yeni prosessoru 7 nanometrlik texnoloji prosesdən istifadə edən çip üzərində ilk mobil sistem olacaq.
Hazırda ən qabaqcıl çiplər, o cümlədən iPhone X və iPhone 8 modellərində Apple A11, eləcə də Qualcomm Snapdragon 845 10 nanometrlik texnoloji proses üzrə buraxılır.
Bildirilir ki, 7 nanometrlik (göstərici çipin hesablama elementləri arasında məsafəni bildirir) prosessorlar 10 nanometrlik çiplərdən daha effektiv, məhsuldar və yığcam olacaq. Onlarla təchiz edilən smartfonlar eyni məhsuldarlığa malik olmaqla enerji toplamadan daha çox işləyə və az qıza və ya əvvəlki nəsil çiplərin avtonomluğunu və termopaketini saxlamaqla daha güclü olacaqlar.
TSMC şirkətinin nümayəndələri qeyd edib ki, yalnız çip üzərində bir neçə mobil sistemlər üçün yararlı olan 10 nanometrlik texnoloji prosesdən fərqli olaraq yeni texnoloji proses mobil SoC texnologiyaları ilə yanaşı, müxtəlif təyinatlı çiplər, o cümlədən mərkəzi və qrafik prosessorlar, neyron hesablamalar, avtomobil avadanlığı və kriptovalyuta mayninqi komponentləri üçün istifadə ediləcək.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri