Yerli icra hakimiyyətlərinə aid 22 xidmət elektronlaşdırılıb

30-06-2015 / 11:29

Hazırda 22 elektron xidmət elektronlaşdırılıb və tezliklə portal üzərindən vətəndaşların istifadəsinə veriləcək.

“Məlumat Hesablama Mərkəzi (MHM) İcra Hakimiyyətləri ilə əməkdaşlıq edərək bir sıra sosial xidmətlərin elektronlaşması istiqamətində işlər görüb, fikir və təcrübə mübadiləsi aparılıb. "Yerli icra hakimiyyəti orqanlarının vəzifəli şəxslərinin qəbuluna Elektron hökumət portalı vasitəsilə yazılmaq və prosesin onlayn izlənilməsi” xidmətinin hazırda vətəndaşlar üçün daha çox aktual olduğu müəyyən edilib və bu xidmət tam şəkildə elektronlaşdırılaraq istifadəyə verilib. Hazırda 22 elektron xidmət elektronlaşdırılıb və tezliklə portal üzərindən vətəndaşların istifadəsinə veriləcək”.

Xeberler.az-ın məlumatına görə, bu barədə Məlumat Hesablama Mərkəzinin(MHM) Dövlət reyestri şöbəsinin müdiri İlqar Abdullayev dünən Beynəlxalq Mətbuat Mərkəzində "Elektron xidmətlər"-lə bağlı 6 aylıq tərəqqi hesabatının təqdim edilməsi zamanı bildirib.

İlqar Abdullayevin sözlərinə görə, il ərzində MHM tərəfindən bir çox ali məktəblərdə, kolleclərdə e-hökumət istiqaməti üzrə maarifləndirici tədbirlər həyata keçirilib, gələcəyin iş adamları olan tələbələrə ölkədə cərəyan edən elektronlaşma prosesləri və startap layihələr barədə geniş məlumat verilib.

İlqar Abdullayev qeyd edib ki, yazı müsabiqəsi və mobil tərtibatların hazırlanması üzrə müsabiqənin keçirildiyini xatırladıb: “Həyata keçirilən tədbirlər sayəsində portaldakı e-xidmətlərdən istifadə sayı dinamik şəkildə artıb. İyunun 1-nə qədər portalın istifadəçilərinin sayı 1,9 milyon nəfərə çatıb. Onlar 11,6 milyon dəfə e-xidmətlərdən istifadə ediblər”.

 

Mirvari Nəcəf

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə