Yerli məhsulların ixracı üçün yeni portal yaradılıb

19-12-2016 / 10:44

Məlumat verdiyimiz kimi, İlham Əliyevin "Azərbaycan Respublikasında istehsal olunan malların vahid məlumat bazasının yaradılması haqqında" 21 sentyabr 2016-cı ildə imzalanmış sərəncamında Azərbaycan mənşəli mallar haqqında məlumatların təqdim edilməsi və onların daxili və xarici bazarlarda satışı üçün əlverişli platformanın yaradılması da nəzərdə tutulub.

Xeberler.az-ın məlumatın görə, “Made in Azerbaijan" məhsullarının xaricə ixrac olunması məqsədilə azexport.az  portalı hazırlanıb.

Sayt  fəaliyyətə başlayıb və sabah geniş ictimaiyyətə təqdim ediləcək. Belə ki, platformanın ADA Universitetində təqdimat mərasimi  keçiriləcək.

Saytda qeyd edilib ki, Azexport.az dünyanın ən populyar elektron satış şəbəkələri ilə inteqrasiya olunaraq Azərbaycan nemətlərini planetin bütün nöqtələrində potensial alıcılara əlçatan edir.

Bu missiyanı həyata keçirmək üçün dünyanın və Azərbaycanın aparıcı nəqliyyat-loqistika şirkətləri Azərbaycan mallarının daşınması üçün əlverişli şəkildə Azexport.az-a inteqrasiya olunub. 

Azexport.az VİSA, Master Card və American Express kart sahibləri üçün portal üzərindən ödəmələri tam təhlükəsiz və sürətli həyata keçirilməsini təmin edir.

Sayt 3 dildə ( Azərbaycan, rus, ingilis) təqdim edilib.

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.