Yüksək Texnologiyalar üzrə Tədqiqat Mərkəzi Bakutel-də

04-12-2015 / 14:48

Rabitə və Yüksək Texnologiyalar Nazirliyinin nəzdində Yüksək Texnologiyalar üzrə Tədqiqat Mərkəzi (YTTM) əldə etdiyi elmi nəticələri Bakutel 2015 sərgisində nümayiş etdirib.

Xeberler.az bildirir ki, bura, əsasən mərkəzdə alınan innovativ materiallar və onların əsasında prototipləri daxil olub.  Sərgidə YTTM-də aparılan sistemli araşdırmalar nəticəsində yüksək təmizlik dərəcəsinə malik bir və çoxdivarlı karbon nanoborularının (KNB) alınma texnologiyası barəsində ətraflı məlumat verilib.

Bundan əlavə olaraq, Bakutel 2015 sərgisində Yüksək Texnologiyalar üzrə Tədqiqat Mərkəzində  alınan keramika /karbon nanoboru əsasında yüksək elektrik və istilikkeçirici nanokompozit materiallar da nümayiş etdirilib. Bu materiallar da tikinti sənayesi və LED texnologiyasında böyük perspektiv vəd edir.

Həmçinin qeyd edilməlidir ki, YTTM-də karbon nanoboru əsasında yüksək istilikkeçirici suspnziya məhlulları alınıb. Bu da avtomobil sənayesi, soyuducu sistemli bütün qurğularda istifadə üçün yeni materiallardır. Onların da nümayişi sərgiyə gələn həm yerli, həm də xarici ziyarətçilərin diqqətini çəkib. 

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə