Zərərli proqram təminatı ilə mübarizə üçün layihə istifadəyə verilib

26-07-2016 / 12:15

Kasperski Laboratoriyası və Intel Security şirkətləri, Avropa İttifaqının Avropol Polis Xidməti və Niderland polisi fırıldaqçılıq proqramları ilə mübarizəyə yönələn birgə "No More Ransom” layihəsini təşkil edərək müxtəlif şifrləyici proqramlar haqqında məlumatın, eləcə də şifrlənmiş məlumatların bərpası üçün pulsuz alətlərin olduğu www.nomoreransom.org saytını istifadəyə veriblər.

Xeberler.az RYTN-in elektron xəbər xidmətinə istinadən məlumat verir ki, fırıldaqçılıq proqram təminatının və onun qurbanlarının sayı durmadan artır.

Məsələn, son iki ildə belə zərərli proqramlardan ziyan çəkənlərin sayı 5,5 dəfə çoxalıb. Bundan başqa, “No More Ransom” təşəbbüsünün vəzifələrindən biri istifadəçilərin kompüterlərin şifrləyici proqramlarla yoluxdurulmasının qarşısının alınması ilə bağlı məsələlər barədə maarifləndirilməsinin artırılmasıdır.

Hazırda saytda bir neçə geniş yayılmış zərərli proqram, o cümlədən "Shade” ailəsi üçün uyğunluq təşkil edən dörd məlumat bərpası alətindən istifadə mümkündür.

Məlumata görə, sistem fırıldaqçılıq proqram təminatı ilə yoluxdurulduqda ekspertlər cinayətkarlara şifrlənmiş fayllardan istifadənin bərpası üçün pul ödənilməsini qəti tövsiyə etmirlər.

İstifadəçilər pul ödəməklə yalnız kibercinayətkarlıq biznesini stimullaşdıra bilərlər. Həmçinin tələb edilən məbləğin ödənilməsi heç də həmişə informasiyanın qaytarılacağına zəmanət vermir.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə