Azərbaycanda "İKT ili" elan edilən 2013-cü il ilk "Azerspace" telekommunikasiya peykinin buraxılışı ilə əlamətdardır. Bu barədə bazar ertəsi jurnalistlərə rabitə və informasiya texnologiyaları naziri Əli Abbasov bildirib.
Nazirin sözlərinə görə, peyk artıq Kuru kosmodromuna çatdırılıb, onun buraxılışı isə fevralın 7-nə planlaşdırılıb.
Bu il start götürəcək və üçillik dövrü əhatə edəcək ikinci əsas plan Azərbaycan Respublikası Dövlət Neft Fondunun maliyyələşdirəcəyi genişzolaqlı internetin inkişafı layihəsi olacaq. Layihənin əsas hədəfi genişzolaqlı qoşulmalar üzrə göstəricilərin inkişaf etmiş ölkələrdəki səviyyəyə çatdırılmasıdır.
Habelə 2013-cü il rəqəmsal yayım formatına keçidlə də yadda qalır. Nazirin sözlərinə görə, ilin sonunadək analoq yayım dayandırılacaq.
Abbasovun dediyi kimi, nazirliyin planlarına "tək pəncərə" prinsipi üzrə elektron hökumət portalının işinin təmin edilməsi daxildir. "ASAN xidmət" mərkəzi ilə birlikdə vətəndaşlara göstərilən xidmətlər daha da genişləndiriləcək.
Abbasovun sözlərinə görə, habelə 2012-ci ildə regional innovasiya zonaları və parklarının yaradılmasına dair qəbul edilmiş qərarlar 2013-cü ildə də inkişaf etdiriləcək. /Trend/
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri