O.Gündüz qrant müsabiqəsi ilə bağlı etirazlara cavab verdi.

11-07-2014 / 12:53
«Təqdim olunan layihələrdə Fondun prioritetlərinə uyğun layihələr azlıq təşkil edirdi...»
Məlumat verdiyimiz kimi dünən Azərbaycan Respublikası Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət Fondunun 1-ci qrant müsabiqəsinin nəticələrini açıqlayıb.
Lakin nəticələr elan olunduqdan bir müddət sonra sosial şəbəkələrdə, hətta qalib gəlmiş layihələrin müəllifləri belə etirazlarını bildiriblər. Onlar layihələrə ayrılan qrant məbləğlərinin xeyli azaldıldığının haqsızlıq olduğunu qeyd ediblər.
Məsələ ilə bağlı Azərbaycan İnternet Forumunun Prezidenti, İnformasiya Texnologiyalarının İnkişafı Dövlət Fondunun Müşahidə Şurasının üzvü Osman Gündüz münasibət bildirib. Həmin açıqlamanı olduğu kimi diqqətinizə çatdırırıq:
«Qalibləri bir daha təbrik edirik. Qalib gəlməyən və ya məbləğdən narazı qalanlara səbrli olmağı tövsiyə edirəm.
Nəzərə almaq lazımdır ki, bu 1-ci Qrant müsabiqəsidir.
Eyni zamanda təqdim olunan Layihələrin ekspertizası və Müşahidə Şurasında aparılan müzakirələr göstərdi ki xeyli sayda Layihələrdə əsas problem məhz layihənin tələb olunan büdcəsinin məntiqli və reallığa yuğunluğu, iqtisadi hesablamalarla bağlı ciddi çatışmazlıqlar var.
Eyni zamanda bu dəfə təqdim olunan layihələrdə Fondun prioritet istiqamətlərinə uyğun olan və maraqlı, cəlbedici və innovativ layihələr də bir qədər azlıq təşkil edirdi.
Bütün bunları nəzərə alaraq Müşahidə Şurasının toplantısında indiki mərhələ üçün maksimal məbləğ məhz 20K olaraq müəyyən olunub. Əlbəttə bununla bağlı- maksimal məbləğlə bağlı Şurada da müxtəlif fikrilər və təkliflər olub.
Fond gələcək Müsabiqələrdə daha böyük məbləğə idda edən layihələrin Müşahidə Şurasında offlayn müzakirəsini də nəzərdə tutub.
Məlumat üçün bildiriəm ki Müşahidə Şurasında 59 Layihənin hər birisi üzrə tam demokratik qaydada ayrıca müzakirə və ayrıca səsvermə keçirilib».

ŞƏRHLƏR


OXŞAR XƏBƏRLƏR







sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə