«GoldenPay» online ödəmə sisteminə sürətli qoşulmaq üçün yeni xidmət təqdim olundu

06-08-2009 / 13:31

\"Silverkey Technologies\" şirkətlər üçün GoldenPay  sisteminə sürətli və asan qoşulmaları üçün xüsusi «QUICKPAY» xidmətini təqdim edib. Bu xidmət sayəsində GoldenPay sistemini bir gün ərzində aktiv etmək mümkündür. Bunun üçün siz müqavilə imzalandıqdan sonra,  şəxsi Veb Səhifənizdə «Online Ödəmə» düyməsi yaradıb onu Silverkey tərəfindən veriləcək linklərə yönləndirməlisiniz. 

Bu günə qədər «QUICKPAY» xidmətinə 3 şirkət daxil edilib.Həmin şirkətlər aşağıdakılardır:

1. Bakı Turizm və İnformasiya Mərkəzinin portalı –
(
http://www.bakutourism.az). Artıq siz hotel üçün internet üzərindən geydiyyatdan keçərək, göstərilmiş xidmətə görə internet vasitəsilə ödəniş apara bilərsiniz.

2. Rabitə və İnformasiya Texnologiyaları Nazirliyinin layihəsi - «Xalq Kompüteri»
(
http://www./xalqcomp.az). Layihə çərçivəsində kompyuter alan müəllimlər kreditlərini istənilən plastik kartı, hətta əmək haqqı kartlarını istifadə eləyərək ödəyə bilərlər.

3. «SOS Uşaq Kəndləri» xeyriyyəçilik fondu (http://www.soschildren.az). Xeyriyyəçiliklə məşğul olmaq istəyən insanlar dünyanın istənilən ölkəsindən plastik kart vasitəsi ilə fondun hesabına istənilən məbləğdə yardım eləyə bilərlər.

Eyni zamanda, Azərbaycanda ilk internet-xərrac olan Sintada da (http://www.sinta.az) GoldenPay sistemi tətbiq edilib. Bu həm Azərbaycan vətəndaşlarına, həm də digər ölkə vətəndaşlarına xərraclarda online iştirak etmək üçün plastik kart «Visa/ Visa Eleсtron» və «MasterСard/Maestro» balanslarını doldurmağa imkan verir.

“GoldenPay” sistemi 2008-ci ilin dekabr ayında “SilverKey Azərbaycan” şirkəti (www.silverkey.az) tərəfindən Azərbaycanın ilk internet ödəmə sistemi kimi təqdim olunmuşdur. Bu sistem fəaliyyət göstərmək üçün “Visa” və “MasterCard” beynəlxalq ödəmə sistemləri tərəfindən lazımı tələblərə cavab verir. GoldenPay “Verified by Visa” və “Mastercard SecureCode” lisenziyalarının sahibidir. Təhlükəsizliyin yüksək səviyyədə olması üçün GoldenPay sistemi “VeriSign SSL” şifrələnməsindən istifadə edir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə