Dünyada yaşayan soydaşlarımız üçün yeni TV yaradıla bilər

09-12-2022 / 13:44

"Azərbaycanın daxilində yaşayan vətəndaşlarımızdan 3-4 dəfə çox soydaşımız kənarda yaşayır".

Xeberler.az bildirir ki, bunu deputat Sabir Rüstəmxanlı bu gün keçirilən Milli Məclisin plenar iclasında deyib.

O bildirib ki, onların yaşadığı ölkələrlə müqaisədə əlifba dəyişikliyi fərqi və digər problemlər var: "Soydaşlarımızın yaşadığı bütün yerlərdə məktəb açmaq mümkün deyil. Bunun müasir həll yollarından biri də Azərbaycanda televiziya kanallarından biri səhərdən axşama qədər Azərbaycan tarixi, dili və ədəbiyyatı ilə bağlı yayımlar həyata keçirsin və bu kanal peyk vasitəsi ilə bütün dünyaya yayımlansın.

Bu məsələni bilən adamları, mütəxəssisləri cəlb edərək bu televiziya qurulsun və yavaş-yavaş dünyada yaşayan soydaşlarımıza özümüzü tanıdaq, mədəniyyətimizi öyrədək, yəni televiziya dərs keçsin. Bu kanalı tədricən dünyanın hər yerində izləyəcəklər və bu kanal qlobal Azərbaycan məktəbi olacaq".


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə