Ağ Ev ağıllı şəhər layihəsinə 165 milyon dollar ayırdı

14-10-2016 / 10:50

İnsansız hava vasitələrini və sürücüsüz avtomobillərini şəhər həyatına gətirmək istəyən ABŞ ağıllı şəhərlər mövzusunda da dövlətin dəstəyi ilə böyük addım atır.

Belə ki, ABŞ-ın Nəqliyyat Nazirliyi bu sahədə 165 milyon dollarlıq bir fond istifadə edəcək.

Xeberler.az xarici mediaya istinadən məlumat verir ki, White House Frontiers adlı konfransda elan edilən yeni fond Ağ Evin "Ağıllı Şəhərlər" startapının  bir parçası olaraq fəaliyyət göstərəcək.

Qeyd edilib ki, bu fonddan Pittsburgh, San Francisco, Houston, Los Angeles kimi şəhərlərdə inkişaf etmiş nəqliyyat texnologiyaları daha da  inkişaf etdirmək üçün istifadə ediləcək.

Nəqliyyat sıxlığını həll etməkdən tutmuş  piyada təhlükəsizliyini inkişaf etdirməyə qədər bir çox fərqli layihə dəstəklənəcək.

Məsələn, Pittsburgh şəhəri bu proqram çərçivəsində 11 milyon dollarlıq bir dəstək alacaq və ağıllı yol lampalarını yayacaq.

Denver 6 milyon dolları  nəqliyyat sıxlığını azaltmaq üçün internetə bağlı yeni texnologiyalar  üçün xərcləyəcək. Fond 8 milyon dollarlıq hissəsiylə də tələblərə uyğun  dinamik avtobuslar, velosiped paylaşımı kimi layihələri dəstəkləyəcək.

ABŞ Nəqliyyat Nazirliyi bu mövzularda yalnız maliyyə dəstəyi göstərməklə qalmayacaq, həmçinin Google-un qardaş şirkəti Sidewalk Labs kimi yenilikçi şirkətlərlə də əməkdaşlıq edib,  ortaq həllər inkişaf etdirəcək.

 

 Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə