AZNET

Qafqazda ilk dəfə olaraq “Biz production”ın istehsalı olan www.toylar.biz portalı Azərbaycanda istifadəyə verilib. Bu barədə Productionun icraçı direktoru, telejurnalist Nicat Qafuroğlu məlumat verib. N.Qafuroğlu bildirib ki, əsas məqsəd toy etmək istəyənlərin işini asanlaşdırmaqdır.

N.Qafuroğlu,həmçinin bildirib ki, yeni istifadəyə verilən www.toylar.biz saytında arzulanan müğənnidən tutmuş tamadaya qədər, saç ustasından gəlin maşınlarına qədər seçim imkanı yaradılıb.

“Artıq toydan əvvəl şadlıq sarayını seçmək üçün saatlarla vaxt itirib, ora-bura getmək lazım deyil. Nə də ki, gəlin və ya bəyin paltarının alınması üçün mağazaları gəzməyə ehtiyac var. Söhbət hansısa xarici ölkədən deyil, məhz Azərbaycandan gedir”, - deyən N.Qafuroğlu www.toylar.biz internet portalının nəinki Azərbaycanda, o cümlədən Qafqazda yeganə toy saytı olduğunu bəyan edib.

Saytda diqqət çəkən bölmələrdən biri də, “Bəy-Gəlin” filmidir. Bu sahədəki sifarişləri «Biz production»un nəzdindəki Film Mərkəzi icra edir. Filmin müddəti istəkdən asılıdır. Müxtəlif məkanlarda, romantik süjetlərlə zəngin filmin iki baş qəhrəmanı var: Bəy və Gəlin.
www.toylar.biz saytının “Cehiz” bölməsində isə müxtəlif mağazaların məhsulları nümayiş etdirilir.

Hazırda ANS telekanalında yayımlanan “Toylar Kraliçasi” verilişinin sponsoru olan www.toylar.biz saytında toylarla bağlı maraqlı məlumatlar, həmçinin gənc ailələrə mütəxəssis məsləhətləri də yer alıb.