TV VƏ RADİO

CityNet internet provayderi Azərbaycanda ilk dəfə baş tutacaq kütləvi oyun festivalı olan GameSummit-in əsas tərəfdaşıdır.

İyunun 11-də Bakı İdman Sarayında keçiriləcək GameSummit video oyunları, virtual reallıq, pop mədəniyyəti, komiks və digər oxşar maraqların fanatlarını bir araya toplayacaq. Festival həm onlayn, həm də oflayn formatda keçiriləcək ən müxtəlif əyləncələr vasitəsilə oyun həvəsindən zövq almaq üçün möhtəşəm bir platforma olacaq.

Festival çərçivəsində yarışlar və müxtəlif simulyasiyalar da daxil olmaqla ən fərqli oyunlar üzrə çempionatlar keçiriləcək. İştirakçılar ən yaxşıların müəyyən ediləcəyi maraqlı turnirlərdə mübarizə apara biləcəklər. Həmçinin, klassik oyunların atmosferini yenidən yaratmaq və oyun masalarında strateji döyüşlərdən həzz almaq üçün retro və stolüstü oyun çempionatları da təşkil olunacaq. Tədbir çərçivəsində hər kəsin unikal oyun təcrübəsi əldə edə və ən son virtual əyləncədən həzz ala biləcəyi VR zonası da təşkil olunacaq.

CityNet-in əsas tərəfdaşlığı ilə ölkəmizdə ilk dəfə baş tutacaq bu kütləvi tədbir hər bir iştirakçının maraqlı oyun dünyasına düşə biləcəyi, emosiyalar və unudulmaz sərgüzəştlər yaşaya biləcəyi bir festivala çevrilməyi hədəfləyib.

CityNet yüksək sürətli sabit internet, ev telefonu xətti və rəqəmsal TV (40 HD kanal olmaqla, 240-dan çox TV kanal) xidmətləri təqdim edən və daim inkişaf edən internet provayderidir. Daha ətraflı məlumatı www.citynet.az rəsmi internet saytına keçid edərək və ya *1177 ilə əlaqə saxlayaraq əldə etmək mümkündür.