“Elektron Təhsil” müsabiqəsinə müraciət etmək istəyənlərin nəzərinə

28-10-2015 / 16:01

“Elektron Təhsil” Respublika müsabiqəsinə  layihələrin qəbulu  noyabrın  5-də  başa çatacaq.

Xeberler.az-ın məlumatına görə, bu barədə  müsabiqənin Təşkilat Komitəsindən bildiriblər.

Qeyd edək ki, 2015-ci ildə "Müəllim" və "Şagird" istiqamətləri üzrə 6 nominasiyada təşkil olunan "Elektron təhsil" Respublika müsabiqəsində iştirak etmək üçün indiyə qədər 757 müəllim, 538 şagird, 12 valideyn və 32 digər istifadəçi qeydiyyatdan keçib.
 
Təşkilat Komitəsindən qeyd edilib ki, oktyabrın 28-i tarixinə müsabiqəyə təqdim olunmuş layihələrin sayı cəmi 340-dır. Təqdim edilən layihələrin 330-u qəbul edilib, 10 layihə isə qəbul olunmayıb.
 
Qeyd edək ki, müsabiqənin məqsədi tədris prosesində informasiya texnologiyalarından fəal istifadə edən müəllimləri həvəsləndirmək və fəaliyyətlərini dəstəkləmək, ən yaxşı elektron tədris vəsaitlərini geniş istifadəçi auditoriyasına tanıtmaq, internetin imkanlarından istifadə etməklə həyata keçirilən yeni tədris üsulları barədə ölkənin təhsil ictimaiyyətini məlumatlandırmaq, tədris məqsədləri üçün İKT-nin tətbiqinin yeni formalarını axtarmaq, təhsil müəssisələrində elektron resurslardan istifadəni genişləndirmək, müəllim və şagirdləri elektron resurslar yaratmağa və hazır resurslardan istifadəyə stimullaşdırmaqdır.

Xeberler.az
 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə