Elektron xidmətlərin təşkilinin daha effektiv qurulması ilə bağlı Təkliflər Hökumətə təqdim edilib

10-11-2011 / 11:01

Multimedia Mərkəzi Elektron xidmətlərin təşkilinin daha effektiv qurulması ilə bağlı hazırladığı Təklifləri Hökumətə və Rabitə və İnformasiya Texnologiyaları Nazirliyinə təqdim edib.

Təkliflər Elektron xidmətlərin göstərilməsinin təşkili ilə bağlı ölkə Prezidentinin 23 may 2011-ci il tarixli Sərəncamında nəzərdə tutulanların həyata keçirilməsinə köməklik məqsədini daşıyır.
Təkliflərin hazırlanması məqsədilə ölkədə Elektron hökumət quruculuğu istiqamətində mövcud vəziyyət dərindən araşdırılıb və dünya təcrübəsi öyrənilib.

Təkliflərdə mərkəzi icra orqanları tərəfindən elektron formaya keçirilməsi üçün nəzərdə tutulan  xidmətlərin müəyyən edilməsi prinsiplərinin hazırlanması, bütün dövlət və bələdiyyə xidmətlərinin inventarizasiyasının  aparılması, hər bir  dövlət qurumunda  elektron xidmətlərlə bağlı  məsul şəxslər və strukturların yaradılması, bu istiqamətdə xərclərlə bağlı konkret büdcə bəndinin müəyyən edilməsinin vacibliyi öz əksini tapıb. Eyni zamanda bələdiyyə xidmətlərinin elektron formaya keçirilməsi, Bakı şəhər İH-nin və onun nəzarətində olan qurumların  təqdim etdiyi xidmətlərin də elektron formaya keçirilməsi istiqamətində ayrıca  dövlət Proqramının qəbul edilməsin zəruriliyi qeyd edilib.
Təkliflərdə Elektron hökumət quruculuğu işlərinin Koordinasiya  edilməsi məqsədilə Prezident yanında müvafiq bir qurumun yaradılması irəli sürülüb.

Baş nazir  Artur Rasizadəyə və Rabitə və İnformasiya Texnologiyaları naziri Əli Abbasova ünvanlanan Təkliflərdə  Elektron hökumətlə bağlı Konseptual bir sənədin, vahid Portalın konsepsiyasının,  Elektron xidmətlərin təşkili haqqında Qanunun qəbul edilməsinin vacibli bildirilib.

Multimedia Mərkəzinin hazırladığı Təkliflərdə həmçinin elektron hökumət quruculuğu istiqamətində həyata keçirilən dövlət Proqramları və layihələrində şəffaflığın və informasiya açıqlığının gücləndirilməsinə, maraqlı tərəflərin elektron hökumət quruculuğu prosesində iştirakının artırılmasına  diqqət  yetirilməsinin vacibliyi qeyd edilib.

Təkliflərin tam mətni ilə buradan tanış ola bilərsiniz.


ŞƏRHLƏR


OXŞAR XƏBƏRLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.