Gələn il ölkəmizdə fiber-optik şəbəkənin qurulmasına 100 milyon manat xərclənəcək

24-12-2013 / 11:09
Dövlət Neft Fondu 2014-cü ildə ölkənin bütün yaşayış məntəqələrinə çıxış imkanı yaradan yüksəksürətli fiber-optik şəbəkənin qurulması layihəsinin maliyyələşdirilməsi istiqamətində 100 milyon manat xərcləyəcək.
 
Fonddan bildirilib ki, Azərbaycan Respublikasının Prezidenti İlham Əliyevin 19 dekabr 2013-cü il tarixli Fərmanı ilə Dövlət Neft Fondunun 2014-cü il üçün büdcəsi təsdiq edilib. Neft Fondunun təsdiq olunmuş büdcəsinə uyğun olaraq, 2014-cü ildə Fondun gəlirlərinin 11 626 943,4 min manat, xərclərinin isə 11 349 934,8 min manat təşkil etməsi nəzərdə tutulur:
 
“Fondun xərclər bölməsində göstərilir ki, 2014-cü il ərzində Azərbaycan Respublikasında bütün yaşayış məntəqələrinə çıxış imkanı yaradan yüksəksürətli fiber-optik şəbəkənin qurulması layihəsinin maliyyələşdirilməsi istiqamətində 100 milyon manat ayrılacaq. Qeyd edək ki, fondun büdcəsinin təsdiq edilməsi Fondun Əsasnaməsi və büdcəsinin tərtibi və icrası Qaydaları ilə nəzərdə tutulmuş proseduralara uyğun olaraq həyata keçirilib”.
Ictnews.az
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.