E-TİCARƏT

Azərbaycanda onlayn ödəmələr sahəsində lider olan Goldenpay/Hesab.az onlayn xidmətlər platforması yeni mövsümdə sərfəli kampaniya başladıb.

Hər zaman olduğu kimi istifadəçilərini düşünən Hesab.az, payız mövsümünün gəlişi münasibətilə möhtəşəm, 2-QAT qazandıran kampaniya keçirir. Belə ki, 10 Sentyabr tarixindən etibarən, Hesab.az portalında qeydiyyatlı şəkildə 10 AZN və üzərində istənilən növ ödəniş (sığorta ödənişləri istisna olmaqla) həyata keçirən istifadəçilər 2-QAT Hesab Koin və ya Bonus əldə edəcəklər.

Məlumat üçün bildirək ki, Hesab Koin və Bonus, Hesab.az onlayn xidmətlər platformasında Qazananlar Klubu loyallıq proqramına daxildir. Platformada qeydiyyatdan keçən istifadəçilər, ödəniş müqabilində Hesab Koin, yaxud Bonus toplamaq seçimi əldə edirlər. Hesab Koinlərə və Bonuslara “Dərhal Dəyiş” bölməsində hədiyyə və endirimlər təklif olunur. Eyni zamanda, ödənişlər qarşılığında qazanılan Hesab Koinlər növbəti ödənişlər üçün də sərf edilə bilər.

Qeyd edək ki, 2-QAT qazandıran kampaniya 20 Sentyabr 2021-ci il tarixinədək davam edəcək. Kampaniya barədə daha ətraflı məlumatı www.hesab.az saytından, *0713 Çağrı Mərkəzindən və ya platformanın rəsmi sosial media səhifələrindən əldə etmək olar.

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.