Jurnalistlərin məhkəmə prosesi davam edib

06-10-2009 / 09:44

Dünən "Xəzər Lənkəran"ın prezidenti Mais Mənsimovun iki jurnalistə qarşı xüsusi ittiham qaydasında qaldırdığı iddia ərizəsi üzrə məhkəmə prosesi davam edib.

Qaynar.info-nun verdiyi xəbərə görə, hakim Elmar Kərimovun sədrliyi ilə Nəsimi rayon Məhkəməsində keçiriləcək iclas saat 15.00-da başlayıb.

Nəhayət məhkəmənin bir ay əvvəl göndərdiyi sorğuya Daxili İşlər Nazirliyi tərəfindən cavab verilib. Gözlənildiyi kimi nə Zahir Əzəmətin, nə də Natiq Muxtarlının məhkumluğunun olmadığı məlum olub. Eyni zamanda müəyyənləşib ki, sən demə əvvəllər Mais Mənsimov da məhkum olunmayıb.
Bu günkü prosesdə həm jurnalistlərin, həm də Mais Mənsimovun vəkilləri çıxış edib.
Müdafiə tərəfinin vəkilinin çıxışı Avropa Məhkəməsinin təcrübəsi əsasında qurulub və 2 saatdan çox davam edib.

Daha sonra hakim müşavirəyə getmək üçün vaxt götürüb və hökmün  oktyabrın 7-də, saat 09.00-da elan olunacağını bildirib.

Xatırladaq ki, Mais Mənsimov  iddia ərizəsində Fanat.az-ın köşə yazarı Natiq Muxtarlının öz yazılarında özünün və ailəsinin şərəf və ləyaqətinin təhqir olunduğunu iddia edərək, həm müəllifi, həm də saytın layihə rəhbəri Zahir Əzəmətin həbs olunmasını tələb edir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.