“Xəzər-Lənkəran” futbol klubunun prezidenti Mais Mənsimov Fanat.az saytının layihə rəhbəri Zahir Əzəmət, saytın baş redaktoru Əli Sahib və idman yazarı Natiq Muxtarlıya qarşı Cinayət Məcəlləsinin 148-ci maddəsilə iddia qaldırıb. Bu barədə Reportyorların Azadlıq və Təhlükəsizlik İnstitutuna saytın baş redaktoru Əli Sahib məlumat verib. Belə ki, iddiaya səbəb Əli Sahibin "Bir daha Mənsimovlar haqqında" və "Jurnalistlərə hökm oxundu", Zahir Əzəmətin "Mübariz Mənsimov hara işləyir" və Natiq Muxtarlının "Məzhəkə məhkəmə" başlıqlı yazıları olub. Klub prezidenti adıçəkilən məqalələrdə təhqir olunduğunu, şərəf və ləyaqətinin alçaldığını iddia edərək, hər üç jurnalistə cəza təyin olunmasını tələb edir.
Xatırladaq ki, bir müddət öncə “Xəzər-Lənkəran” futbol klubunun prezidenti Mais Mənsimov Natiq Muxtarlının FANAT.AZ idman saytında yerləşdirilmiş köşə yazılarında şərəf və ləyaqətinin təhqir olunduğunu hesab edərək Zahir Əzəmət və Natiq Muxtarlıya qarşı xüsusi ittiham qaydasında iddia qaldırmışdı. Yasamal rayon məhkəməsi 7 oktyabr 2009-cu il tarixdə Natiq Muxtarlının məvacibinin 20 faizinin Mais Mənsimovun xeyrinə tutulması ilə 1 il, Zahir Əzəmətin isə məvacibinin 20 faizinin tutulması ilə 6 ay islah işlərinə cəlb olunması barədə qərar çıxarmışdı.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları