Nazirlik e-xidmətdən istifadəyə görə birincidir

10-12-2015 / 21:54

Rabitə və Yüksək Texnologiyalar Nazirliyi (RYTN) noyabr ayında elektron xidmətlərindən istifadə sayına görə bütün dövlət qurumları arasında birinci yerdə qərarlaşıb.

Xeberler.az bildirir ki, bu, RYTN-in Məlumat Hesablama Mərkəzinin apardığı növbəti statistika nəticəsində məlum olub.

Bir ay ərzində nazirliyin “Elektron hökumət” portalındakı e-xidmətlərinə 345021 dəfə müraciət edilib.

RYTN-in ən çox istifadə olunan e-xidmətləri  “Telefon nömrəsi üzrə axtarış”, “Mobil nömrə daşınması xidməti vasitəsilə digər şəbəkəyə daşınmış nömrələr barədə məlumatın verilməsi”, “Mobil cihazların qeydiyyatdan keçirilməsi”, “Mobil cihazların İMEİ qeydiyyatının yoxlanılması” və “Rabitə və kommunal xidmət haqlarının internet vasitəsilə ödənilməsi” xidmətləri olub.

Qeyd edək ki, portal üzərindən Rabitə və Yüksək Texnologiyalar Nazirliyinin 36 elektron xidmətindən yararlanmaq mümkündür.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə